ˈCɩan -bobhlaa -kajɔɔnka: biiblʋcɩain- -ɔɔˈ muan ɲan, -ɲnaan ɔɔˈ dhɛ -tɔɔɛn dhi

DHƐƐDƖ- Ɛ -KƆNDƖ -Ɛ: -Bho ɲɔn ˈye ˈpʋ ɛˈ, ɔ ˈye Zoova aˈ ˈɲnɩn ˈdha. (Rm 10:13, 14) ˈKlaa ɲʋn anˈ klɛɛ -ɛɛ ˈŋwɔɔan Biiblʋ ˈcɩan dɩ ɛ, ɛ se ʋaˈ klɛɛ -ɛ ˈjhe Zoova aˈ ˈsrɩn ŋwɔn -nɩn. Ɲʋn -an ˈbɔan -ʋʋ ˈyea ʋaˈ ˈkmʋn ˈˈɩ ziian- -wɛeˈ -ʋʋ ˈyea Zoova aˈ -glʋˈdɩ nʋn ɛn, -ʋbʋ- -aa ˈˈdhuo -aaˈ nɔnˈˈ ˈmʋn -wɛeˈ -aa po sʋn bho. -Bho -a -nɩn ɲɔn ɔn sa dhɛ ˈcɩan ˈdhe nɔnˈˈ -duuˈˈ ˈdhi -wɛeˈ ɔɔˈ ˈˈdu dhɛ ɔɔ ˈcɩan ˈˈjhriɛ ɛˈ, -a -nɩn ɔn -ɲnaan dhɛcɩan- dhi -wɛeˈ ɲʋn anˈ klɛɛ Zoova a ˈjha ˈnɔn ɔɔˈ -Glibha ˈdhi ɛ, -a ˈyʋbʋ sʋn bho po. (Jean 6:44) ˈKlaa -bho nɔnˈˈ -zii ˈbho -wɛeˈ ɔɔˈ -jhei- tu “toɛ -ka ɔ nɩan ˈkmʋn sea ˈˈtianˈ ˈbhle ɛˈ ka” aˈ, -a -ˈbhɛɛˈ -a -nɩn ɔ ˈye Biiblʋ ˈcɩaan -dee -kenɛnˈ.—Ac 13:48.

-KA -ˈYEA NƲN ƐN:

• Biiblʋcɩain- -ɔɔ ˈbɔan -ɔ ˈyea dhɛ i ˈŋwɔn -kajɔɔnka a, poɔ dɩ bho.—1Tm 2:4

• Poɔ sʋn bho ɔ ˈyeɛ i ˈŋwɔn -ka dhɩ ɔɔ ˈcɩan ɩanˈ ˈˈjhriɛ ˈˈduɛ kɔan dɩ ɛ.—Lc 6:46-49

• ˈDhe ɲʋndɩkmaan ˈmʋn ɛn, Zezi ɔˈ ˈˈɩpoodɩ- -ɩan- ˈtmʋan -dinɔnʋin- ɔnˈ dɩ ɛ, aʋ ˈtmʋn ɩanˈ dɩ, -ˈmɛn poɔ ˈkpɩ ɔ ˈyɩ -tɔˈ ˈˈkpei -naan ˈˈdhe dhɛ -ɛɛ kaan ɔn jie ɛ, ɔ ˈyeɛ jhibho-.—Mt 13:18-23

• Dhɛ nɩan ˈo -wɛeˈ -nɩn ɔ ˈyea Biiblʋ ˈcɩaan i -ɲnaan an, ˈtmʋɔn ɛɛˈ dɩ.

• ˈTmʋɔn -ka -yea ˈo ɔ bho -cɛɛn -zɔn -dhee -ˈnɔɔn -wɛeˈ -ˈyeɔ ˈkpɩ po ɛ. ˈTmʋʋɔn -ke -ka aʋ ˈbhɛɛa aʋ ˈyea Biiblʋ ˈcɩaan -dee -kenɛnˈ ɛn.

-JHEˈ VIDEO I, -ˈMƐN -ZA ˈE IDEEDƖ- NƖAN DA ˈZƆN DA:

• ˈDhe -bo -ˈnɔn ˈdhi ɛ, dhɛwɛ- -ɛɛ toɛ -ka Biiblʋcɩain- -ˈnɔn ɔnˈ ˈˈduaˈˈ dhɩ ɔɔ ˈcɩan ˈˈjhriɛ -ɛ?

• -Ka Biiblʋcɩain- -ˈnɔn ˈyea dhɩ ˈˈɩ ziian- ˈdhe ɔɔˈ ˈkmʋn ˈdhi ɛ, ka -bobhlai nʋn ɔnˈ sʋn bho -po sʋn -wɛeˈ ɔ ˈŋwɔɛe in -ɛn?

• -Kawɛ -bobhlai- -ˈnɔn nʋn ɛnˈ -to sʋn -ka ɔ ˈbhɛɛa ɔ -nɩn ɔn ˈyea dhɛ ˈcɩan -kenɛnˈ ˈdhe ɲan -an?