-Jhii ˈˈɩpoodɩ i -ˈye dhɩ kɔandɩ -jɛ ˈˈkpe de

-Bho -aa sa ˈbho ɲɔn bho dhemuɛn- nʋn -aeˈˈ -aa sa Biiblʋ ˈcɩan- jie bho po ɛˈ, -a ˈye ɲʋn -an poa -aʋ -dheinˈˈ bho sʋn bho po ʋʋ ˈye dhɩ kɔandɩ i ˈŋwɔn. -Bho -aa sa ˈˈɩpoodɩ i jhii -wɛeˈ -a sa dhɩ kɔandɩ -jiɛ ˈˈkpe de ɛˈ, -aa muɛn ɲʋn anˈ -pɛɛ i ˈtʋn- ˈˈdhe ʋʋ ˈse dhɩ ʋa ˈcɩan bho ˈˈmae- dhi.

-Bho -man sa -manˈ ˈˈjɛ kpɔˈˈ po ˈbho ɲɔn bho dhemuɛn- -aeˈˈ Biiblʋ ˈcɩan- anˈ jie bho -poɛ ɛˈ dɩ ɛˈ, -ˈmɛn dhɩ kɔandɩ -ˈyea ˈˈɩpoodɩ i -jhii -wɛeˈ -ˈyea -jiɛ ˈˈkpe de ɛ, ɩmɩn- -ˈye dhɛ -ˈzɔn tri. Ɛ se dhɩ -mɩɩnˈˈ -mɩɩnˈˈ anˈ klɛɛ -nɩn. Dhɩ -ɩan nʋʋan ɲʋn ˈdhei zɔn ooˈˈ zɔn ɔn, ɩmɩn- -ˈye i -jhii -wɛeˈ -ˈye dɩ ˈˈɩ poo-. ˈˈƖpoodɩ- -ˈnɩn anˈ i ˈŋwɔan anˈ kmanˈˈ -dhe. (Mt 5:14-16; Mc 2:21; Lc 14:7-11) -Naan ɲɔn -ɔn poa -ʋn -dheinˈˈ bho ɔɔˈ ˈˈbhlidhɩ -e dhbho ɔɔ nʋan anˈ dɩ tɔˈ ˈˈkpe i. (Lc 5:2-11; Jean 4:7-15) -Bho ɔɔ sa ˈmʋnan nʋn dhɩ ɔ ˈŋwɔan in ɩanˈ dɩ ɛˈ, ɛɛ muɛn -manˈ ˈˈjɛ ɛˈ ˈmʋnan ˈbhle- -ke.

-ˈJHE VIDEO NƆN IN, -ˈJHE ˈMƲNAN ˈDHE DHƐCƖAƲN- -NƲN DHBHO ˈDHI: PO -MANˈ -BOBHLASƲN ˈKPA: -JHII ˈˈƖPOODƖ I -ˈYE DHƖ KƆANDƖ -JƐ ˈˈKPE DE, -ˈMƐN -ZA ˈE IDEEDƖ- NƖN:

• 

  Dhɛɛdɩ- ɲʋn ˈye Biiblʋ ˈcɩaʋn sʋn bho po -zɔn -ˈnɔɔn ˈˈdhe ʋʋ ˈye Biiblʋ aˈ ˈˈjhri i ˈŋwɔn -ɔn?

• 

  ˈˈƖpoodɩ -wɛ Matɩ -jhii i -wɛeˈ ʋn zela tɔˈdɩ- nɩan ˈe Romains 5:12 ˈdhi ˈˈkpei -ɛ?

• 

  Dhɛjɛɛn- -wɛ ˈˈɩpoodɩ ˈdhɔɛe ˈbhɛɛˈ ɩn ˈye ɲʋn -an poa -aʋ -dheinˈˈ bho ˈˈdhrui nʋn -ɛn?

• Dhɛɛdɩ- -a ˈye videe -e ɲʋndhɛtɔɔnsɛɩ- Zoova aˈ -glibha a ˈˈɲɩn -aʋ dhbho -nʋʋn ˈdhe -aaˈ -bobhladhbho ˈdhi -ɛ?