Bhae- Zoova ɔ ˈye ʋn sʋn bho po

Zoova ˈsaa ˈmʋn tɔˈdɩ a mɛn ˈdhe ɲɔn ɔnˈ -pɛɛ bho ˈˈdhe ɩan ˈbhɔa. (1Co 3:6-9) Ɛɛˈ dɩ, -bho -aaˈ -bobhladhbho ˈye -nmɔn ɔnˈ, -a ˈye Zoova -gwlɩˈˈ de ˈˈdhe ɔ ˈye -abʋ -e ɲʋn -nɩn -aa ˈcɩan Biiblʋ sʋn bho po.

Bhae- Zoova ɔ ˈye ɲɔn -nɩn -man ˈcɩan Biiblʋ sʋn bho po -wɛeˈ ˈkledɩ ɔɔ ˈjhea a, ɔ ˈyɩ ˈˈŋwɛn ˈbhɛɛ-. (Php 1:9, 10). ˈˈSii- ghwlu i ˈbho bhae- -ˈnan. Dee- Ɲɔnsoa i ɔ ˈye ʋn ɔɔˈ -zuu ˈˈɲɩn ˈˈdhe ʋn ˈye -manˈ tɔˈ -e -manˈ nʋʋndhɩ jie bho po. (Lc 11:13) -Tɔɔn ɲɔn -nɩn -man ˈcɩan Biiblʋ -ka ɲɔn ɔn nʋan bhae sʋn ˈˈdhe poɔ ˈkpɩ ɔ ˈyeɛ nʋn. Ɔ -nɩn bhae- -da dhueˈ. ˈDhe bhaeghwlu- ˈdhi ɛ, ˈtmʋn ɔnˈ dɩ -ˈmɛn ˈˈsi ɔɔˈ ˈɲnɩn -ke.

-ˈJHE VIDEO NƆN IN, -ˈJHE ˈMƲNAN ˈDHE DHƐCƖAƲN- -NƲN DHBHO ˈDHI: ˈˈTAI- ZOOVA I Ɔ ˈYE ƲN SƲN BHO PO: BHAEƐ-, -ˈMƐN -ZA ˈE IDEEDƖ NƖAN DA ˈZƆN DA:

• -Da Matɩ -nɩn Sonia a ˈcɩan Biiblʋ ɛ, ˈkledɩ- -wɛ ʋn ˈjhe -ɛ?

• Ka 1 Corinthiens 3:6 nʋn Matɩ sʋn bho -po sʋn -ɛn?

• Ka Matɩ nʋn ʋanˈ kledɩ ˈˈdhru jha sʋn -ɛn?