ˈTʋn ɲʋn anˈ -pɛɛ i

Ɲɔnsoa ŋwɔnjheɛ ɛ ˈghwlʋɛ ˈe -pɛɛ bho. (Pr 3:1) Ɛɛˈ dɩ -bho -aa sa ɲʋn dhɛ tɔɔn ɔnˈ, -a ˈye ʋaˈ -pɛɛ iˈtʋɛn- i ˈbɔn. -Kawɛ?

-Manˈ ˈˈtii- ˈbho ɲʋn anˈ tɔˈdɩ- nɩan ˈe Biiblʋ ˈdhi aˈ -tɔɔɛn ɛnˈ ˈsʋ ˈˈkpe -dhe. Pʋbʋ sʋn bho -ka ʋʋ ˈyea ɩanˈ ˈˈjhriɛ ˈˈdu sʋn nʋn -e -ka ɩn ˈyea -jhbhɛɛ nɩan ˈo ʋbʋ -e Zoova ˈɲnɩn i -kuu sʋn nʋn ɛn, ʋʋ ˈyeɛ tɔˈ ˈˈkpe inaan-. Pʋbʋ sʋn bho ʋʋ ˈyeɛ iˈŋwɔn -ka Biiblʋ aˈ ˈsrɩn an toa Ɲɔnsoa aˈ kplɩn nɩan: ɲʋndɩkman- -e ˈdhiŋwɔnmɔɛn -e ˈˈɩˈsreɛ. Jhibho- ideedɩ aˈ ˈdhe -po ka -wɛeˈ -ka ʋa ˈjhea dhɩ ʋa ˈcɩan an, -ˈyeɛ -jhibho-. Nʋɛn ʋʋ ˈyeɛ iˈŋwɔn -ka -bho ʋʋ ziian- kplɩn ˈˈɩn ʋaˈ ˈkmʋn ˈyea ˈdhɔɛe ˈmʋn -nɩn ɛn. Ɲɔn -man tɔɔan dhɛ ɛ, -bho Zoova aˈ dɩkman- an sa ˈdhe ɔɔˈ -pɛɛ bho ˈghwlʋ ɛˈ, ɛɛ muɛn -manˈ ˈmʋnan ˈˈkpe -po.

-ˈJHE VIDEO NƆN IN, -ˈJHE ˈMƲNAN ˈDHE DHƐCƖAƲN- -NƲN DHBHO ˈDHI: PO -MANˈ -BOBHLASƲN ˈKPA: ˈTƲN ƝƲN ANˈ -PƐƐ I, -ˈMƐN -ZA ˈE IDEEDƖ- NƖN:

• 

  Matɩ deeɛ- Sonia in ʋn ˈnaan: “Ideedɩ- -a sia ˈo Lɛindi ˈˈkpe ɛ, a -naan in tɔˈ ˈˈkpe i ˈmɛn?” Dhɛɛdɩ- ʋn ˈdha ka -a?

• 

  Ka Matɩ nʋn Sonia sʋn bho -po sʋn ˈˈdhe ʋn ˈŋwɔɛn in -ka Biiblʋ aˈ ˈsrɩn an toɛ -ka Zoova kman ʋanˈ dɩ -ɛ?

• 

  -Kawɛ Matɩ nʋn ˈˈdhe ʋn po Sonia sʋn bho -wɛeˈ -ka ʋn ˈyea Zoova aˈ dɩkman- -to sʋn nʋn ɛn, ʋn ˈŋwɔɛn in -ɛn?