-Za -pɛɛ dhe -ˈye ɲʋn sʋn bho po ʋʋ ˈye dhɛcɩaʋn ˈkpa

-Ka Zezi nʋan

VIDEO: Zezi ɔ tɔɔɛn Nikodɛmʋn dhɛ

1. -ˈJhe VIDEO i -aeˈˈ zro Jean 3:​1, 2. -ˈMɛn -za ˈe ideedɩ- nɩn:

1. 1. ˈBhoo- -gwlɩˈˈ ˈdhee, dhɛɛdɩ- Nikodɛmʋn mun ˈe Zezi bho ˈˈmaʋn -ɛn?—-Ŋmʋn ˈdhe Jean 12:​42, 43 ˈdhi.

2. 2. Dhɛ Zezi nɩn Nikodɛmʋn ɔn ˈjheea ˈˈmaʋn ɛn, -kawɛ ɛɛ nʋn ɛnˈ -to sʋn -ka ɔɔ kpʋan ˈe dhɛcɩaʋn -nʋɛn ˈˈjhri -ɛ?

Dhɛ Zezi nʋan, dhɛwɛ- ɛɛ tɔɔn -abʋ -ɛ?

2. Dhɛ -a kman ɲʋn anˈ dɩ ɛ, -aa za -pɛɛ dhe -aa yʋbʋ sʋn bho po -wɛeˈ ʋʋ ˈye dhɛcɩaʋn ˈkpa.

-Sraan Zezi

3. Ɲɔn -man tɔɔan Biiblʋ ɛ, ɔ -nɩn ˈcɩan dhɩ nɔnˈˈ -e -da ɔɔ ˈbɔan. Ɔ ˈbhɛɛˈ ɔ ˈye ˈo -zɔn dhueˈ -za ˈdhe ˈdhɔɔ ˈdhi -aeˈˈ ɔ ˈye ˈo nɔnˈˈ dhueˈ -za ˈdhe zɔn ˈdhi. -Da aʋ ˈyea dhɛ ˈcɩaan- -wɛeˈ ɛ ˈyeɔ ˈtʋn nʋn ɛn, ɛ nɩn ˈdhe ɔɔˈ dhbhoˈˈ, ˈdhe ɔ ˈˈŋwɛn -aeˈˈ ˈkpaeˈˈ gwɛa? -Bho ɛ ˈbhɛɛ ɛ ˈye -nʋʋɛn- ɛnˈ, zian- -manˈ nɔnˈˈ ɔnˈ -desʋn ˈˈɩn -wɛeˈ -nɩn ɔ ˈye dhɩ ˈcɩaan ˈbhɛɛ- nɔnˈˈ -e -da ɔɔ ˈbɔan.

4. Ɔ -nɩn ˈcɩan dhɩ jheejhee. -Bho -ˈye da mun ɛnˈ, -manˈ -ɲnaan ɔɔˈ dhɛcɩan in -dhe. ˈBho ɛɛˈ gɔˈˈ ɔ, -naan dɩ nɩn tɔˈ ˈˈkpei:

1. 1. -ˈBhɛɛˈ -nɩn ɔ ˈye dhɩ ˈcɩan ˈghwɩ -ˈnɩɩn bho ˈdhe ˈdhɔɔ -ˈnɔn ˈdhi?

2. 2. -ˈBhɛɛˈ -nɩn ɔ ˈye dhɩ ˈcɩan ˈbho telefɔnɩn ˈŋwɔn -aeˈˈ ˈbho zumʋn ˈˈkpe?

3. 3. -ˈBhɛɛˈ -ˈye -bobhlai- -ˈnɔɔn ˈtmʋʋn- ɔ -nɩn ɔ ˈye dhɩ ˈcɩan?

5. Bhae- -wɛeˈ -ˈye tɔˈinaan- -sʋn ˈjɛʋn ˈbhle. Bhae- Zoova ɔ ˈye ʋn sʋn bho po -wɛeˈ -ˈye ɲɔn -man tɔɔan Biiblʋ ɔˈ dhɛtɔɛn ɲan kpa -bho ɔɔˈ kpʋn ˈe dhɛcɩan ˈˈjhri -aeˈˈ ɔɔˈ ˈˈdoo- ɔ ˈˈdu dhɩ ɔɔ ˈcɩan ˈˈjhriɛ -mɔnˈ -dhe ɛˈ. (Phil. 2:13) Ɛgwɛ ɲɔn -man tɔɔan dhɛ ˈbhleɛ kplɩn ˈdhɔɛeˈ -duuˈˈ. Bhae- Ɲɔnsoa ɔ ˈye ʋn sʋn bho po -wɛeˈ -ˈyɩ ˈˈjhriɛ ˈˈkpe ˈnɛɛn-.