ˈˈƖpoodɩ- -ɩan- tɔɔan ɲʋn dhɛ

Matie 13:34, 35

DHƐ KƆANDƖ -ˈYEA NƲN ƐN: ˈˈƖpoodɩ- -ɩanˈ iˈŋwɔɔan sea ˈˈɩkman-, -ɩn ˈyea ɲʋn -an poa ʋn -dheinˈˈ bho ˈtʋn nʋn ˈˈdhe -ɩn ˈyʋbʋ dhɛ -tɔɔn ɔn, -jhii dhi -ˈye -manˈ ɲʋndhɛtɔɔnsʋn i-kuu.

-KA -ˈYEA NƲN ƐN:

• -Jhii ˈˈɩpoodɩ- -ɩanˈ iˈŋwɔɔan sea ˈˈɩkman- in. -Ka Zezi nʋan, -jhii dhɩ -mɩɩnˈˈ dhi -ˈye ɲʋn dhɩ -klaeˈˈ -tɔɔn. -Jhii ˈˈɩpoodɩ- -ɩanˈ iˈŋwɔɔan sea ˈˈɩkman- in -ˈye ɲʋn dhɩ -ɩanˈ iˈŋwɔɔan kmanˈˈ -tɔɔn. Dhɩ ˈyeɛ nʋn -wɛeˈ -manˈ ˈˈɩpoodɩ aˈ iˈŋwɔɔan ˈyea ˈˈɩkman- an, -manˈ ˈtmʋʋɩn -dhe. ˈˈƖpoodɩ- -ˈyea i-jhii ɛ, -naaɩn -tɔˈ ˈˈkpe i -wɛeˈ -bho ɩn -nɩn dɩ -ˈyea ˈtmʋn an sa -je -dhueˈ kpa aˈ, -ˈyɩ jhibho- ˈˈdhe -saˈ ɲʋn -an poa ʋn -dheinˈˈ bho ʋaˈ ˈˈjhri ˈsɔɔn -za.

• -Naan ɲʋn -an poa ʋn -dheinˈˈ bho ʋaˈ dɩ -tɔˈ i. -Za -manˈ ˈˈɩpoodɩ ˈdhe dhɩ ʋa nʋan zɔn ooˈˈ zɔn -e dhɩ ʋa ˈbɔan ˈdhi. ˈSroo- -gwlɩˈ i -wɛeˈ -manˈ ˈˈɩpoodɩ -saˈ ɲʋn ikpaˈ -aeˈˈ ɩn -saˈ ɲʋn dɩn ˈˈɩn ˈdhbhaa-.

• De dhɛ kɔandɩ -jeɛ ˈˈkpe. Nʋɛn -manˈ ˈˈɩpoodɩ ˈye dhɩ kɔandɩ ˈdhe -manˈ bo ˈdhi ˈzɔn ˈˈsii-. Nʋɛn -wɛeˈ ˈˈɩpoodɩ- -jhiia dhi -e dhɛ -man ˈbɔan ɲʋn ˈyea -jeɛ ˈˈkpe de ˈdhe -manˈ bo ˈdhi ɛ, ɲʋn ˈye ɩanˈ dɩ -glʋˈ bho po.