Dhɛdhiizrosʋn- ˈsrɛa ˈˈɩ ɛ

1 Timotee 4:13

DHƐ KƆANDƖ -ˈYEA NƲN ƐN: Kpa ghlu ˈˈjha -wɛeˈ -ˈye dhɛ ˈcrea ˈdhii zro -kajɔɔnka.

-KA -ˈYEA NƲN ƐN:

• ˈCɩɛn -kajɔɔnka. ˈSɛɛ ɛˈ kpɔ -ˈyea ˈdhii zro ɛ, dhɛɛdɩ- ɲʋn ˈcreɔ, -naaɛn -tɔˈ ˈˈkpe i. -Manˈ zro -e dhɩ ˈdhii -dhe -dhueˈ -dhueˈ, pʋɩ -da -dhueˈ -ˈyɩ ˈdhii zro. -ˈMɛn nʋn ɛɛˈ ˈcɩan -za dhe. -Manˈ ˈˈbhee dhɛ ˈcrea ˈˈjhrii -dhe. Dhɛ ˈcrea -mɛn -ˈye ˈdhii zro. -Manˈ za ˈo dhɛˈ -dhe ˈˈdhe -manˈ po ˈo dhɛˈ -dhe -ke. -Bho -man sa dhɛ ˈdhii zro ɛˈ, -da ɲʋn ˈyea do -e -da ɲʋn ˈyea -ghlu dɩ ˈbhɔ ɔ, de ˈo ˈˈjhriɛ ˈˈkpe.

• -Ka dhɛ ˈcrea, ˈkamɔn- -ˈyeɛ ˈdhii zro. -Bho se ˈcreedhɛ- -dhueˈ ɛˈ ˈdhii -zro ka jhibho- ɛˈ, ˈbɔn ɛɛˈ ˈdhiizrosʋn in. ˈSɛɛ- -man zroa ˈdhii ɛ, po ɛɛˈ ghlu ɲʋn kpʋan -dheinˈˈ bho -aeˈˈ dee- ɲɔn jhibha dhɛdhiizroɛ i ɔ ˈye ʋn sʋn bho po.

• Ɲʋn ˈye dhɛ -man ˈtmʋan iˈŋwɔn. -Bho -man sa dhɛ ˈdhii zro ɛˈ, -ˈgbai- ŋwɔn in, -ˈmɛn kpa ˈˈdhru ˈˈjha -wɛeˈ ɲʋn ˈye dhɛ -man zroa ˈdhii iˈŋwɔn. Po ˈe ˈkpɩ -ˈye dhɩ aˈ klɛɛ ˈcrea ˈdhii zro -kajɔɔnka.