Ɲʋn ˈye dhɛ -man ˈtmʋan iˈŋwɔn

1 Kolɛntɩ 14:9

DHƐ KƆANDƖ -ˈYEA NƲN ƐN: Po ɲʋn -an poa ʋn -dheinˈˈ bho sʋn bho ʋʋ ˈye -bo -man bhla iˈŋwɔn -kajɔɔnka.

-KA -ˈYEA NƲN ƐN:

• ˈCɩan dhɛ -ˈyea ˈtmʋn ˈdhe -manˈ bo ˈdhi -kajɔɔnka. -Bho ˈcɩan dhɛ -ˈyea ˈtmʋn ˈdhe -manˈ bo ˈdhi -kajɔɔnka aˈ, -ˈbhɛɛˈ -ˈyeɛ ˈtmʋn -ka -manˈ ˈˈjɛ ɛ nʋan ɛɛˈ iˈŋwɔn sʋn, ˈˈdhe ɛɛˈ ˈtmʋanˈ ˈye ʋn kwa i ˈghlʋ.

• Dhɛ -man ˈtmʋan anˈ tɛn -e ˈˈjhrii -dhe, ɛɛˈ iˈŋwɔan anˈ kmanˈˈ -dhe -ke. -ˈBhɛɛˈ -ˈye dhɛ ˈtmʋn ɛ ˈye itɛn-, ˈklaa -bho -ˈye dhɩ kɔandɩ -jeɛ ˈˈkpe de ɛˈ, ɩanˈ ˈtmʋan anˈ tɛn ˈˈjhrii -dhe.

• ˈTmʋʋndɩ- ɲʋn -an poa ʋn -dheinˈˈ bho sea iˈ jhibho- ɛ, zɩlɩ ˈˈkpe i. -Bho -ˈbhɛɛ ɛˈ, dhɩ ɲʋn sea iˈ jhibho- ɛ, -manˈ ˈtmʋʋɩn -dhe. -Bho -ˈye dhɩ ɲʋn sea iˈ jhibho- ɩanˈ dɩ ˈtmʋn ɛnˈ, -bho ɛ -nɩn kplɩn -ˈˈwe ˈdhe Biiblʋ ˈdhi, ɲʋn nɩan -tɛnˈˈ ʋaˈ dhɩjhbhaadhɩ -aeˈˈ ʋaˈ ˈmʋnpaadhɩ ɛˈ, -ˈmɛn zɩlɩ ˈˈkpe i.