TÄRÄKWATA JA TÖTIKARA

KUKWE JA TÖTIKARA

▪ Jehová töi jäme aune ñaka ni kitete

▪ Jehová mantiame aune töbike kwin metre

▪ Jehová ja ngwen metre aune tä ngite juen ta nibiti

Jehová töi ketabokä bäri ütiäte yebätä nitre kristiano kwati tä töbike. Akwa Jehová töi mada kwin abokänbätä ni ñaka ja tötike käre, yebätä ja tötikai kukwe ja tötikara ketamä nekänti. Kukwe ja tötikara jene jene yekänti kukwe ketamä ngwantarita ye mikai gare jai: ¿Tä dre mike gare? ¿Jehová tä bämike ño? ¿Ni raba nuainne ño erere?

▪ Jehovata ni töi ükete ye kadre ngäbiti

Biblia tä mike gare Jehová ye ni jondon “sribekä bäri kri dobrobiti”, kukwe yebiti tä mike gare niara aibe raba ni gobraine (Is. 64:8). Ni jondron Sribekä Bäri Kri Dobrobiti tä juta aune nitre töi ükete, ye tä dre mike nie ye mikai gare ja tötika nekänti. Nikwe ja tuanemetre töi ükadrete ie angwane dre kwin raba nemen nikwe ye rabai gare nie arato.