Gätä Sribi Ngöbökwe Nuainkäre yekrä ja tötikadre ño
1. ¿Gätä Sribi Ngöbökwe Nuainkäre ye tä ükaninte ñokäre aune nikwe ja tötikadre ño kräke?
1 Gätä Sribi Ngöbökwe Nuainkäre ye tä ükaninte ni dimikakäre kukwe driekäre bäri kwin. Ni mada tötikadre, kukwe kwin Gobran Ngöbökwe ye driedre, bätä köbö kri Jehovakwe nibira ja ken ye nikwe mikadre gare ye kädrieta gätä yete (Mat. 28:20; Mar. 13:10; 2 Ped. 3:7). Gätä ütiäte ne kukwe nuadre kwin yekäre nikwe ja tötikadre kwin bätä ja töi mikadre blite gätä yete.
2. ¿Ni raba ja tötike ño kukwe kädriedre ye kukwe nuakäre?
2 Kukwe kädriedre. Kukwe bianta kädriedre ye ngwane medente kukwe ye dianinkä mikata gare. Ye medenbätä ni raba ñäke kukwe yebätä, texto Bibliabätä ye känene, bätä nuaindre ño kukwe driedre ye ngwane yebätä töbikadre nikwe.
3. Kukwe ngwantarita aune nieta, ¿yekrä nikwe ja tötikadre ño?
3 Kukwe ngwantarita aune nieta. Ye kömikakäre bätä mikakäre krüte kukwe nieta kwati kubu jötrö ngwarbe. Ja Tötikata La Atalaya yebätä ye erere nuainta. Kukwe meden bäri ütiäte kädrieta párrafo jökrä yebätä ye täräi mikadrekä, aune gätä yete ja töi mikadre kukwe metre niere aune jötrö ngwarbe.
4. Kukwe kädrieta nitre ja ükaninkrö yebe yekrä, ¿ni raba ja tötike ño?
4 Kukwe kädrieta nitre ja ükaninkrö yebe. Kukwe ne kädrieta akwa ni blitaka kätä kukwe ngwentari ne kwe nitre ja ükaninkrö käkwe blitadre arato. Ye medenbätä mäkwe kukwe meden bäri ütiäte ye täräi mikaikä bätä mäkwe texto känäin angwane, mä raba blite ja mräkä käkwe kukwe ngwantaridre ye ngwane; niara käkwe ja di ngwain kukwe ngwentari ne kwe nitre ja ükaninkrö käkwe kukwe bäri ütiäte ye niedre.
5. Kukwe bämikadre yekrä, ¿ja tötikadre ño?
5 Kukwe bämikata. Kukwe ruäre kädrieta yete kukwe bämikata, ye abokän raba nitre konkrekasionte dimike kukwe drieta ye käi känti. Nitre umbre bätä nitre ie kukwe drie gare o prekursor, mikata ye bämike. Kukwe ye bämikai ño ye nikwe bämikadre ja töibätä ja tötikadre gätä kräke ye ngwane. Kukwe ye bämikadre gätäte angwane, ye erere ni raba nuainne ño kukwe drieta nikwe yekänti, yebätä nikwe töbikadre. Täräkwata medenbiti kukwe bämikai ye mä rika ngwena jai. Biti mäkwe ja tötikadre mä mräkäbe ye ngwane, mä raba ja kite kukwe ruäre bämikani yebätä.
6. ¿Ñobätä nikwe ja tötikadre kwin Gätä Sribi Ngöbökwe Nuainkäre yekrä?
6 Nikwe ja tötikadre kwin bätä ja töi ükadrete kukwe niedi ye kukwe nuakäre angwane Gätä Sribi Ngöbökwe Nuainkäre ye rükai gare bäri kwin nie. Arato ni rabai ja dimike kwärikwäri gätä yete (Rom. 1:11, 12). Nikwe kä diandrekä jai ja tötikakäre kwin angwane, ye raba ni dimike sribi tä ni kisete ye nuainne bäri kwin (2 Tim. 3:17).