Idan Matsaloli Sun Sa Ka Gaji da Rayuwa

Alal misali, wata mai suna Sallya a ƙasar Amirka, wadda ta rasa mafi yawa daga cikin kayayyakinta sanadiyyar wata guguwa da aka yi, ta ce: “Na ga kamar matsalar ta fi ƙarfina kuma ba zan iya jimrewa ba.”

Wani abin da yake sa mu baƙin ciki kuma shi ne sa’ad da aka yi mana rasuwa. Wata mai suna Janice a Ostareliya, ta bayyana cewa: “Sa’ad da ’ya’yana biyu suka mutu, na yi baƙin ciki sosai. Na yi addu’a ga Allah cewa: ‘Ya Allah, na gaji da rayuwa ba zan iya jimrewa kuma ba! Gwamma in mutu.’”

Wani kuma mai suna Daniel, ya yi baƙin ciki sosai sa’ad da matarsa ta ci amanarsa. Ya bayyana cewa: “Sa’ad da matata ta ci amanata, na ji zafi sosai kamar dai an soka min wuka a zuciyata. Abin da ta yi ya sa na daɗe ina baƙin ciki.”

Wannan Hasumiyar Tsaro za ta bayyana amfanin rayuwa ko a lokacin da

• Bala’i ya abko mana

• Aka yi mana rasuwa

• Aka ci amanarmu

• Muke fama da rashin lafiya

• Matsaloli suka sa ka rasa na yi

Da farko, ta yaya za mu jimre sa’ad da bala’i ya abko mana?