Kuna Bincika JW.ORG/HA don Samun Shawarwari na Yau da Kullum?

A Littafi Mai Tsarki, akwai shawarwarin da za su iya taimaka mana wajen magance matsalolin da muke fuskanta a kwanakin ƙarshen nan. (2Ti 3:​1, 16, 17) Duk da haka, a wasu lokuta muna bukatar mu san yadda za mu sami ƙa’idodin Littafi Mai Tsarki da za su taimaka mana sa’ad da muke fuskantar wata matsala. Alal misali, ku iyaye ne, kuma kuna neman shawara game da renon yara? Ko ku matasa ne, kuma riƙe aminci ga Jehobah yana yi muku wuya? Ko kuma kuna baƙin ciki ne don abokan aurenku sun mutu? Akwai talifofi a dandalin jw.org/ha da za su taimaka muku ku sami ƙa’idodin Littafi Mai Tsarki da suka dace da matsalolin nan da wasu.​—K. Ma 2:​3-6.

A shafin farko na jw.org, ka danna KOYARWAR LITTAFI MAI TSARKI. (Ku duba hoto na 1.) A cikin jerin batutuwan da ke wurin, sai ku zaɓi batun da kuke so. Ko kuma ku danna LABURARE > TALIFOFI sai ku zaɓi batun da kuke so. (Ku duba hoto na 2.) Za ku kuma iya samun su a manhajar JW Library^®.a Za ku iya dudduba talifofin a wuraren nan da aka ambata a sama. Wata hanya kuma ita ce, saka batun a inda aka rubuta “bincika” a jw.org/ha.

Ku saka batutuwan da ke gaba a inda aka rubuta “bincika” sai ku zaɓi talifofin da za ku so ku karanta.

• Renon yara

• Baƙin cikin matasa

• Idan aboki ko abokiyar aurenka ta rasu