WAƘA TA 117
Mu Riƙa Yin Alheri Kamar Allah
Hoto
(2 Labarbaru 6:41)
1. Ya Jehobah, Mai alheri,
Kai Allah ne mai ƙauna.
Kai Allah ne mai aminci,
Hanyoyinka na da kyau.
Kana nuna mana jinƙai,
Duk da kasawarmu fa.
Kai kaɗai za mu bauta wa
Ya Jehobah Allahnmu.
2. Duk bayinka na yin koyi
Da irin alherinka
Ta yadda suke rayuwa
Da kuma yin wa’azi.
Ana shelar koyarwarka
A cikin duk duniya.
Ba mu ruhunka mai tsarki
Don mu nuna alheri.
3. Ya Allahnmu muna roƙo
Ka albarkace mu don
Alherin da muke nuna
Wa dukan ’yan’uwanmu.
Ba mu ruhunka mai tsarki
Don ya taimaka mana,
Mu riƙa nuna alheri
Ga kowa a duniya.
(Ka kuma duba Zab. 103:10; Mar. 10:18; Gal. 5:22; Afis. 5:9.)