utpatti

31 kuch samay baad yakub ne suna ki laaban ke bete uske baare mein keh rahe hain, “yakub ne hamare pita ka sabkuch hadap liya hai. hamare pita ki jaaydad se hi usne itni daulat batori hai.”+ 2 aur yakub ne laaban ke chehre se bhaanp liya ki woh ab pehale jaisa nahin raha, woh uske saath rookha vyavhar kar raha hai.+ 3 aakhirkar, ek din yahova ne yakub se kaha, “tu apne purkhon aur rishtedaron ke desh laut jaa+ aur main aage bhi tere saath rahoonga.” 4 fir yakub ne raahel aur lia ko khabar bhejkar unhein us maidan mein bulvaya jahaan woh apni bhed-bakriyon ki dekhrekh kar raha tha. 5 fir usne un donon se kaha,

“main dekh raha hoon ki aajkal tumhara pita mujhse rookha vyavhar kar raha hai.+ magar mere pita ke parmeshvar ne hamesha mera saath diya hai.+ 6 tum donon achhi tarah jaanti ho ki mainne kaise khoon-paseena ek karke tumhare pita ki seva ki.+ 7 fir bhi tumhare pita ne mere saath dhokha karne ki koshish ki. usne ek baar nahin, das baar meri mazdoori badli. magar parmeshvar ne use mera kuch bhi nuksan nahin karne diya. 8 jab tumhara pita mujhse kehta, ‘teri mazdoori dhabbedar bhed-bakriyaan hongi,’ to poora jhund dhabbedar bachche paida karta. aur jab woh kehta, ‘ab se teri mazdoori dhaareedar bhed-bakriyaan hua kareingi,’ to poora jhund dhaareedar bachche paida karta.+ 9 meri is kaamyabi mein parmeshvar ka haath hai, woh maano tumhare pita ke jhund se bhed-bakriyaan lekar mere jhund mein milata raha. 10 aur haal hi mein jab bhed-bakriyon ke sahvas ka samay aaya to mainne sapne mein dekha ki mere jhund ke jo bakre bakriyon se sahvas kar rahe the woh dhaareedar, chitkabrae aur dhabbedar the.+ 11 tab sachche parmeshvar ke swargdoot ne sapne mein mujhe pukara, ‘yakub!’ aur mainne javab diya, ‘haan, prabhu.’ 12 usne kaha, ‘zara apni aankhein uthakar dekh ki jitne bhi bakre bakriyon se sahvas kar rahe hain woh sabhi dhaareedar, chitkabrae aur dhabbedar hain. main aisa isliye kar raha hoon kyonki laaban tere saath jo salook kar raha hai, woh sab mainne dekha hai.+ 13 main sachcha parmeshvar hoon jo betel+ mein tere saamne prakat hua tha, jahaan toone yaadgar ke liye ek patthar khada karke uska abhishek kiya tha aur mujhse ek mannat maani thi.+ ab uth aur yah desh chhodkar apne desh laut jaa jahaan tu paida hua tha.’”+

14 yakub ki baatein sunkar raahel aur lia ne javab mein usse kaha, “hamein nahin lagta ki hamara pita hamein virasat ka kuch hissa dega. 15 dekha nahin, usne hamare saath kaise gairon jaisa vyavhar kiya? apne hi haathon hamein bech diya aur hamare liye di gayi rakam bhi khaa raha hai.+ 16 isliye woh saari daulat jo parmeshvar ne hamare pita se lekar tujhe di hai, us par hamara aur hamare bachchon ka hi hak banta hai.+ ab tu vahi kar jo parmeshvar ne tujhse kaha hai.”+

17 tab yakub vahaan se nikaalne ki taiyari karne laga. usne apne bachchon aur patniyon ko unton par chadhaya+ 18 aur apna sabkuch sameta jo usne paddan- araam mein rehte haasil kiya tha,+ apne jaanvaron ka jhund aur apna saara saaman. yah sab lekar woh apne pita ishaak ke paas kanaan desh ke liye nikaal pada.+

19 us samay laaban apni bhedon ka oon kataarne gaya hua tha aur isi beech raahel ne kul devtaon ki moortein+ chura li thi jo uske pita ki thi.+ 20 aur yakub ne hoshiyari se kaam liya aur araami laaban ko bina kuch bataye vahaan se nikaal gaya. 21 woh apna sabkuch lekar vahaan se bhaag nikala aur mahanadi* ke paar chala gaya.+ vahaan se woh gilad ke pahadi pradesh ki taraf jaane laga.+ 22 yakub ke nikaalne ke teesre din idhar laaban ko bataya gaya ki yakub bhaag gaya hai. 23 yah sunte hi laaban apne bhaai-bandhuon ko saath lekar yakub ka peechha karne nikaal pada. saat din baad aakhirkar laaban gilad ke pahadi pradesh mein us jagah pahunch gaya jahaan yakub tha. 24 fir parmeshvar ne araami laaban+ se raat ko sapne mein+ kaha, “khabardar jo toone yakub ko kuch bhala-bura kaha.”+

25 yakub apna tamboo gilad ke pahadi pradesh mein gaade huye tha aur jab laaban apne bhaai-bandhuon ke saath vahaan pahuncha to usne bhi usi ilake mein dera daala. usne yakub ke paas jaakaar 26 usse kaha, “yah toone mere saath kya kiya? toone mere saath yah chaal kyon chali? mujhe dhokha dekar meri betiyonn ko aise utha laaya jaise koi talvar ke dam par bandiyon ko utha le jaata hai. 27 tu mujhe chakma dekar aise chupchap kyon bhaag aaya? agar tu batata to main tujhe dhoom-dhaam se vida karta, dafli aur surmandal bajvata aur naach-gaane ke saath tujhe khushi-khushi ravana karta. 28 magar toone mujhe apni betiyonn aur naati-naatinon* ko choomkar vida karne ka mauka nahin diya. toone yah kaisi moorkhta ki! 29 mere paas itni taakat hai ki main tum logon ka kuch bhi kar sakta hoon, magar kal raat tumhare pita ke parmeshvar ne mujhse sapne mein kaha, ‘khabardar jo toone yakub ko kuch bhala-bura kaha.’+ 30 main maanta hoon ki tu shaayad isliye chala aaya kyonki tu apne pita ke ghar lautne ke liye betab hai, lekin yah bata ki jaate-jaate toone mere devtaon ki chori kyon ki?”+

31 yakub ne javab mein laaban se kaha, “main tujhe bataye bagair isliye nikaal aaya kyonki mujhe dar tha ki tu apni betiyonn ko mujhse zabardasti chheen lega. 32 aur jahaan tak tere devtaon ki baat hai, agar woh hammein se kisi ke paas paaye gaye to use apni jaan ki keemat chukani padegi. tu hamare bhaaiyon ke saamne mere poore saaman ki talashi le le, agar tujhe teri cheez mil jaaye to le lena.” yakub nahin jaanta tha ki raahel devtaon ki woh moortein chura laayi thi. 33 tab laaban ne yakub ke tamboo, lia ke tamboo aur donon daasiyon+ ke tamboo mein jaakaar talashi li, magar use moortein nahin milin. fir woh lia ke tamboo se nikaalkar raahel ke tamboo mein gaya. 34 is dauran raahel ne woh moortein lin aur unt ki kaathi par rakhi jaanevali aurton ki tokri mein chhipa di aur khud tokri par baith gayi. laaban ne raahel ka poora tamboo chhaan maara, magar use moorton ka kahin pata na chala. 35 tab raahel ne apne pita se kaha, “maalik, mujh par bhadak mat jaana, main uth nahin sakti. mujhe woh hua hai jo har maheene aurton ko hota hai.”+ laaban ne vahaan bahot dhoondha, magar use kul devtaon ki moortein nahin milin.+

36 tab yakub ko laaban par bahot gussa aaya aur woh laaban ko jhidakne laga. usne laaban se kaha, “aakhir mera kasoor kya hai? mainne aisa kya paap kiya hai jo tu haath dhokar mere peechhe pada hai? 37 toone mere saare saaman ki talashi li, bata kya tujhe ek bhi aisi cheez mili jo teri ho? agar mili to yahaan mere bhaai-bandhuon aur apne bhaai-bandhuon ke saamne laakaar rakh. fir ye hi hum donon ka faisla kareinge. 38 mainne tere yahaan pichhle 20 saal kaam kiya aur is dauran na teri kisi bhed ya bakri ka garbh gira+ aur na hi mainne kabhi tere medhon ko maarkar khaaya. 39 agar koi jangli jaanvar teri kisi bhed ya bakri ko faad daalta+ to main kabhi uska saboot tere paas laakaar yah nahin kehta tha ki is nuksan ke liye main zimmedar nahin hoon. iske bajay main khud uska nuksan uthata tha. aur agar din ya raat ko kisi jaanvar ki chori ho jaati to tu mujhse uski bharpai ki maang karta tha. 40 mainne tere jhund ki dekhbhal karne mein kya-kya nahin saha, din ki chilchilati dhoop, raat ki kadake ki thand aur kabhi-kabhi to main saari raat jaagta raha.+ 41 isi tarah teri seva mein mere 20 saal guzar gaye, 14 saal teri betiyonn ke liye, 6 saal tere in jaanvaron ke liye. aur is sabke badle toone mujhe kya diya? siva iske ki toone das baar meri mazdoori badli.+ 42 magar shukra hai us parmeshvar ka jo mere daada abraham ka parmeshvar hai+ aur jiska dar mera pita ishaak bhi maanta hai.+ usne hamesha mera saath diya. agar woh na hota to tu mujhe apne ghar se khaali haath hi bhej deta. parmeshvar ne dekha hai ki mainne kya-kya dukh jhele aur kis tarah apne haathon se kadi mehnat ki. iseeliye usne kal raat tujhe fatkaara.”+

43 tab laaban ne yakub se kaha, “ye ladkiyaan meri betiyaan hain aur ye bachche mere bachche hain. aur bhed-bakriyon ka yah poora jhund aur yahaan jo kuch tere saamne hai woh sab mera aur meri betiyonn ka hi to hai. main kyon apne hi haathon apni betiyonn aur unke bachchon ka nuksan karoonga? 44 isliye ab aa, hum donon shaanti ka karar karein. yah karar hum donon ke beech gavah thehrega.” 45 fir yakub ne ek patthar liya aur use khada kiya ki woh us karar ki nishani ho.+ 46 iske baad yakub ne apne bhaai-bandhuon se kaha, “yahaan kuch patthar ikattha karo.” unhonne patthar jama kiye aur unka ek dher lagaya. fir un sabne pattharon ke us dher par khaana khaaya. 47 laaban ne us dher ka naam yagar-saahdoota* rakha, jabki yakub ne use galaed* naam diya.

48 laaban ne kaha, “pattharon ka yah dher hum donon ke beech ek sakshi hai.” isliye us dher ka naam galaed+ aur 49 pehra meenar rakha gaya kyonki laaban ne yakub se kaha, “jab hum ek-doosre se door raheinge tab yahova hum donon par nazar rakhe ki hum is karar ko nibhate hain ya nahin. 50 agar toone meri betiyonn ke saath bura salook kiya aur unke alava aur bhi patniyaan le aaya, to tujhe koi insan dekhe ya na dekhe magar yaad rakh, parmeshvar zaroor dekhega jo hum donon ke beech gavah hai.” 51 laaban ne yakub se yah bhi kaha, “pattharon ke is dher aur is patthar ko dekh jise mainne isliye khada kiya ki yah hum donon ke beech huye karar ki nishani ho. 52 yah patthar aur pattharon ka yah dher is baat ke gavah hain+ ki na main kabhi inki seema laanghkar tere khilaf aaunga aur na tu kabhi inki seema laanghkar mere khilaf aayega. 53 hum donon ke beech woh parmeshvar nyayi ho jo abraham, naahor aur unke pita ka parmeshvar hai.”+ fir yakub ne us parmeshvar ki shapath khaayi jiska dar uska pita ishaak maanta tha.+

54 iske baad yakub ne us pahad par ek balidan chadhaya aur usne apne sabhi rishtedaron ko khaane par bulaya. fir sabne khaana khaaya aur pahad par raat bitayi. 55 agli subah laaban jaldi utha aur usne apni betiyonn aur naati-naatinon* ko chooma+ aur unhein aasheervad diya.+ fir laaban vahaan se apne ghar ke liye nikaal pada.+