31 Indi ninyo paghimuon ini kay Jehova nga inyo Dios, kay ginhimo nila sa ila mga dios ang tanan nga makangilil-ad nga butang nga ginakaugtan ni Jehova, kay bisan ang ila mga anak nga lalaki kag ang ila mga anak nga babayi ginsunog nila para sa ila mga dios.+

16 Sang ika-17 nga tuig sang paghari ni Peka nga anak ni Remalias, nangin hari si Ahaz+ nga anak ni Hari Jotam sang Juda.

3 Sa baylo, ginhimo man niya ang ginhimo sang mga hari sang Israel.+ Ginsunod man niya ang makangilil-ad nga mga butang nga ginahimo sang mga pungsod+ nga gintabog ni Jehova sa atubangan sang mga Israelinhon kay bisan gani ang iya anak ginsunog niya bilang halad.*+

17 Ginsunog* nila bilang halad ang ila mga anak nga lalaki kag babayi,+ nagpamakot+ sila pasad sa mga panimad-on, kag ginhimo nila ang malain* sa panulok ni Jehova nga nagpaakig sa iya.

18 Naakig gid si Jehova sa Israel, gani gintabog niya sila sa iya atubangan.+ Ang tribo lamang ni Juda ang iya ginbilin.

30 ‘Kay ginhimo sang katawhan sang Juda ang malain sa atubangan ko,’ siling ni Jehova. ‘Ginbutang nila ang ila makangilil-ad nga mga diosdios sa balay nga gintawag sa akon ngalan, agod dagtaan ini.+ 31 Gintukod nila ang mataas nga mga duog sang Tofet, nga yara sa Nalupyakan sang Anak ni Hinom,*+ agod sunugon sa kalayo bilang halad ang ila mga anak nga lalaki kag babayi,+ butang nga wala ko ginsugo kag wala gid magsulod sa akon tagipusuon.’*+

20 Indi; kundi ang buot ko silingon amo nga ang mga butang nga ginahalad sang mga pungsod, ginahalad nila sa mga demonyo kag indi sa Dios;+ kag indi ko luyag nga makig-ambit kamo sa mga demonyo.+