Nahibaluan Mo Bala?
(Ang mga sabat sa sini nga mga pamangkot makita sa ginhatag nga mga teksto sa Biblia, kag ang kompleto nga listahan sang mga sabat makita sa pahina 22. Para sa dugang nga impormasyon, tan-awa ang publikasyon nga “Insight on the Scriptures,” nga ginbalhag sang mga Saksi ni Jehova.)
1. Ngaa ginsambit ni Isaias nga ipanghaboy ang mga dios nga bulawan kag pilak sa mga kabog sa adlaw ni Jehova? (Isaias 2:20)
2. Ngaa ginsilingan ang mga Israelinhon nga indi pag-uruton sing ani ang mga higad sang ila uma? (Levitico 19:9)
3. Sa idalom sang Mosaikong Kasuguan, ano ang dapat himuon sang isa ka tawo kon malusuk niya ang mata ukon mabingaw ang ngipon sang iya ulipon? (Exodo 21:26, 27)
4. San-o lamang makaguwa ang nakapatay sing tawo sa siudad nga dalangpan? (Numeros 35:25)
5. Daw ano kadugay kutob sang nangamuyo si Cornelio sa Dios tubtob nga nag-abot si Pedro agod makigkita sa iya? (Binuhatan 10:30-33)
6. Suno kay Pablo, ano ang dapat himuon sa “mga nagatuga sing mga pagbinahinbahin kag makapasandad nga mga higayon”? (Roma 16:17)
7. Ano nga balatian ang ginsakit ni Satanas kay Job sang gintinguhaan niya nga ikompromiso ni Job ang iya integridad? (Job 2:7)
8. Diin ang mga Israelinhon sang una sila nga nagkaon sing manna kag una nga ginpatuman ang kasuguan sa Adlaw nga Inugpahuway? (Exodo 16:1)
9. Ano ang ginpatay ni Ehud kay Hari Eglon sang Moab? (Hukom 3:16)
10. Sa ano nga probinsia sa Roma nahamtang ang pito ka kongregasyon nga ginpadalhan ni Juan sing mga mensahe? (Bugna 1:4)
11. Paagi sa ano nga sapat masami ginapakilala si Jesus, kag ngaa? (Juan 1:29)
12. Ano nga tinaga ang ginagamit para sa kabug-usan nga tubig sang duta nga tuhay sa kadutaan? (Habacuc 2:14)
13. Ano ang gingamit ni Noe agod indi masudlan sang tubig ang arka? (Genesis 6:14)
14. Ano ang natabo sa langit sa tapos si Cristo maglingkod subong hari? (Bugna 12:7)
15. Sin-o ang duha ka disipulo nga ginpadala ni Jesus agod maghanda para sa iya katapusan nga pagsaulog sang Paskwa? (Lucas 22:7-13)
16. Ano nga sapat ang gintagna nga sakyan ni Jesus sing madinalag-on pasulod sa Jerusalem? (Zacarias 9:9)
17. Ginalaygayan ang mga matamad nga ilugon ang dalanon sang ano nga insekto? (Hulubaton 6:6)
18. Ano ang natabo sang gingamit ni Pedro ang iya espada sang gintinguhaan niya nga pangapinan si Jesus? (Juan 18:10)
19. Ano nga insekto ang mauti nga ginasala sang mga Fariseo agod indi seremonyal nga madagtaan? (Mateo 23:24)
20. Sin-o ang madumduman nga nagpadungog sa iya mga anak labaw pa kay Jehova? (1 Samuel 2:22, 29)
Mga Sabat sa mga Pamangkot
1. Bangod takus lamang sa duog nga madulom kag mahigko ini nga mga idolo kag indi sa duog sang kadungganan kag pagkaprominente
2. Agod may masaghaw ang mga nasit-an kag dumuluong nga mga pumuluyo
3. Hilwayon ang ulipon
4. Kon mapatay ang mataas nga saserdote
5. Apat ka adlaw
6. Magbantay sa ila kag likawan sila
7. Ginsakit niya si Job sing tama nga hubag sa bug-os niya nga lawas
8. Sa kahanayakan sang Sin
9. Espada nga duha sing sulab
10. Asia
11. Kordero. Bangod sang paghalad kay Jesus
12. Dagat
13. Alkitran
14. Inaway nga nagresulta sa pagtagbong kay Satanas gikan sa langit
15. Si Pedro kag si Juan
16. Asno
17. Subay
18. Ginilangan niya ang tuo nga dulunggan ni Malco, ang ulipon sang mataas nga saserdote
19. Hamlok
20. Ang Mataas nga Saserdote nga si Eli