Mga Miting sa Serbisyo para sa Mayo
Semana sang Mayo 10-16
10 min: Lokal nga mga pahibalo. Repasuha ang bag-ong mga guwa sang mga magasin, nagapadaku sang mga artikulo nga labi nga makawiwili sa inyo teritoryo. Maghimos nga ipasundayag sang duha ka manugbantala, ang isa may edad kag ang isa bataon, ang malip-ot nga Makasulatanhon nga mga presentasyon.
15 min: “Ang Lalantawan—Espirituwal nga Pagkaon sa Nagakaigo nga Tion.” Pamangkot kag sabat nga paghinun-anon. Ipadaku nga, sanglit ang mga tawo masami nagasuskribe kon mapalambo nila ang apresasyon para sa mga magasin, maayo nga itanyag ang mga suskripsion sa mga ruta sang magasin, mga masigkamanugpangabudlay, mga kabutho, mga paryente, kag mga kilala sa negosyo, dugang sa regular nga mga bahin sang ministeryo sa latagon.
20 min: “Iangot ang mga Tract sa Iban nga Literatura.” Pamangkot kag sabat nga pagtuptop. Magpasundayag sing malip-ot nga mga presentasyon pasad sa mga panugda sa parapo 2-6. Tuptupi ang mga punto gikan sa kahon “Dumduma nga Gamiton ang mga Brosyur.”
Ambahanon 14 kag nagatakop nga pangamuyo.
Semana sang Mayo 17-23
10 min: Lokal nga mga pahibalo. Magsugid sing talalupangdon nga mga eksperiensia may kaangtanan sa pagsaulog sang Memoryal. Palig-una ang tanan nga mga manugbantala sa pag-upod sa ila mga grupo sa pag-alagad sa latagon sining talipuspusan sang semana.
20 min: “Buligi ang mga Bag-uhan sa Pag-uswag.” Paghambalanay sang duha ukon tatlo ka konduktor sa mga pagtinuon sa libro. Sa tapos marepaso ang talalupangdon nga mga punto sa artikulo, ipaathag kon anong mga plano ang ginhimo sa pagpadapat sang mga panugda sa lokal. Paano naton mabuligan ang bag-ong mga interesado nga nagtambong sa Memoryal? Anong mga kinahanglanon ang dapat lab-uton sang mga bag-uhan kon luyag nila magguwa sa latagon? Ano ang pagahimuon agod buligan ang mga indibiduwal nga ang pagpakigbahin sang nagligad ditayuyon? Paano mapalig-on ang tanan nga makigbahin sing bug-os kada bulan? Paano makabulig sa iban ang mas mabakod nga mga manugbantala?—Roma 15:1, 2.
15 min: “Pamangkot.” Positibo kag makapalig-on nga paghinun-anon sang manugtatap sa pag-alagad ukon sang isa pa ka gulang nga nakaauxiliary payunir. Interbyuha ang isa ukon duha ka manugbantala nga nagaauxiliary payunir sa tion kag tion.
Ambahanon 39 kag nagatakop nga pangamuyo.
Semana sang Mayo 24-30
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian. Basaha ang mga report sa kwenta kag ang pasalamat sa donasyon. Basaha ang Lucas 6:38, kag hatagi sing komendasyon ang kongregasyon tungod sang ila kaalwan sa pagsupurta sa bug-os kalibutan nga hilikuton subong man sa mga kinahanglanon sang lokal nga kongregasyon.
15 min: “Simple kag Epektibo nga mga Pagduaw Liwat.” Hambalan upod sa tumalambong. Maghatag sing isa ka pasundayag nga nagapakita kon paano sugdan ang paghambalanay sa pagduaw liwat.
20 min: “May Dugang Pa Bala Kamo nga Mahimo sa Pagpadungog kay Jehova?” Pamangkot kag sabat nga pagtuptop sa mga parapo 1-10 sang suplemento.
Ambahanon 28 kag nagatakop nga pangamuyo.
Semana sang Mayo 31–Hun. 6
10 min: Lokal nga mga pahibalo kag Mga Balita Teokratiko. Agdaha ang mga indibiduwal sa pagsugid sing mga eksperiensia nahanungod sa ila ginpasangkad nga hilikuton sa pag-alagad sa latagon sini nga bulan, subong sang pag-auxiliary payunir, pagsugod sing bag-ong mga pagtuon sa Biblia, ukon pagbulig sa mga interesado nga nagtambong sa Memoryal.
15 min: Gamita ang Creation nga Libro sa Hunyo. Pamulongpulong upod ang pasundayag. Ipaathag ang mga punto nga mahambalan kag mga ilustrasyon nga sarang magamit kon nagatanyag sing Creation nga libro. Ang mga punto sa Reasoning nga libro sa ubos sang tig-ulo nga “Creation” sarang magamit kon nagakadapat. Ayhan ang mga materyal sa kapitulo 16 kag 19 sa “Why Would God Permit Suffering?” kag “An Earthly Paradise Soon to Come” magaganyat sa tagbalay. Ipapasundayag sa kalipikado nga manugbantala ang tanyag, nagagamit sang Hulubaton 2:21, 22 kag sang ilustrasyon sa pahina 197, nagapadaku nga ang orihinal nga rason sang Dios sa pagtuga sang duta matuman sa dili madugay.
20 min: “May Dugang Pa Bala Kamo nga Mahimo sa Pagpadungog kay Jehova?” Pamangkot kag sabat nga pagtuptop sa parapo 11-22 sang suplemento.
Ambahanon 127 kag nagatakop nga pangamuyo.