Mga Miting Sa Serbisyo Para Sa Nobiembre

Semana Sang Nobiembre 2-8

Ambahanon 38

10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Komentuhi ang Agosto nga report sa pag-alagad sa latagon sang pungsod kag sang lokal nga kongregasyon.

15 min: “Dapat ‘Batunon Sang Tanan ang Pulong Sing Tinagipusuon’!” Pamangkot kag sabat. Ilakip ang dugang nga mga panugda gikan sa suplemento sang Hunyo 1996 nga Ang Aton Ministeryo sa Ginharian, parapo 21.

20 min: “Luyag Ko Makasugod Sing Isa ka Pagtuon sa Biblia!” Paghinun-anon sa tumalambong nga dumalahan sang manugtatap sa pag-alagad. Ipaathag kon paano ining nahiusa nga panikasog sa paghimo sing mga pagduaw liwat maorganisar sing lokal. Kon mahimo, ang eksperiensiado nga mga manugbantala mangabudlay upod sa mga bag-uhan. Repasuha ang mga panugda sa suplemento sang Abril 1998 nga Ang Aton Ministeryo sa Ginharian, parapo 12-15. Ipapasundayag sa sangkol nga manugbantala ang pagtanyag sing pagtuon sa isa ka pagduaw liwat. Palig-una ang tanan nga panikasugan nga makasugod sing isa ka bag-ong pagtuon.

Ambahanon 35 kag nagatakop nga pangamuyo.

Semana Sang Nobiembre 9-15

Ambahanon 187

13 min: Lokal nga mga pahibalo. Report sa kuwenta. Binagbinaga man ang mga punto sa “Pamangkot.”

15 min: Lokal nga mga kinahanglanon.

17 min: “Palig-una ang Isa kag Isa Paagi sa Pagkomento sa mga Miting.” Pamangkot kag sabat. Ipaathag kon paano ang pagkomento nagapauswag sang aton espirituwalidad. (Tan-awa ang School Guidebook, study 38, parapo 4.) Agdaha ang pila sa pagsaysay kon paano nila nalandas ang katahap sa pagkomento kag kon paano sila ginapakamaayo paagi sa pagkomento sa mga miting.

Ambahanon 51 kag nagatakop nga pangamuyo.

Semana Sang Nobiembre 16-22

Ambahanon 182

5 min: Lokal nga mga pahibalo.

20 min “Mga Manugtatap nga Nagapanguna​—⁠Ang Manugtatap Sang Teokratikong Eskwelahan sa Pagministro.” Pamulongpulong sang manugtatap sang eskwelahan. Repasuha ang School Guidebook, pahina 10-11, parapo 6-12.

20 min: “1998-99 ‘Dalanon Sang Dios sa Kabuhi’ nga Distrito nga mga Kombension.” (Parapo 1-17) Pamangkot kag sabat. Basaha ang parapo 11 kag 12. Ipadaku ang Makasulatanhon nga rason agod huptan sing mahalungon ang aton maugdang nga Cristianong panagway kag paggawi kag bantayan sing nagakaigo ang aton kabataan.

Ambahanon 167 kag nagatakop nga pangamuyo.

Semana Sang Nobiembre 23-29

Ambahanon 89

7 min: Lokal nga mga pahibalo. Isaysay ang mga eksperiensia nga naimprinta sa likod nga pahina sang Agosto 8, 1998, Awake! nahanungod sa epekto sang Pinakabantog nga Tawo nga libro sa mga tawo. Ang tanan nga manugbantala dapat mangin alisto sa pagtanyag sini nga libro sa nagakaigo nga mga okasyon.

18 min: “1998-99 ‘Dalanon Sang Dios sa Kabuhi’ nga Distrito nga mga Kombension.” (Parapo 18-24) Pamangkot kag sabat. Basaha ang parapo 18 kag ang ginsambit nga kasulatan. Ipadaku ang kinahanglanon para sa kahim-ong kag konsiderasyon sa iban, ilabi na kon tuhoy sa paglingkod. Hinakpi paagi sa malip-ot nga pamulongpulong nga nagarepaso sang “Mga Pahanumdom sa Kombension.”

20 min: Mga Panugda sa Pagpauswag Sang Inyo Pagbasa Sing Biblia. Pamulongpulong pasad sa Mayo 1, 1995, Lalantawan, pahina 16-17. Ipatalupangod ang espirituwal nga mga benepisyo nga matigayon gikan sa adlaw-adlaw nga pagbasa sing Biblia. Repasuha ang mga panugda nga ginhatag, kag ipaathag kon paano ini iaplikar. Ipasaysay sa duha ukon tatlo ka manugbantala kon paano sila nakabenepisyo paagi sa pagbasa sing tayuyon sang Pulong sang Dios.

Ambahanon 46 kag nagatakop nga pangamuyo.

Semana Sang Nob. 30⁠–​Dis. 6

Ambahanon 64

15 min: Lokal nga mga pahibalo. Pahanumduma ang tanan nga ihatag ang ila mga report sa pag-alagad sa latagon. Palig-una ang bisan sin-o nga wala pa makasugod sing isa ka pagtuon sang Nobiembre nga padayunon ang ila mga panikasog tubtob sa Disiembre, nga ang Ihibalo nga libro itanyag upod sa New World Translation. Ipapasundayag sa sangkol nga manugbantala ang isa ka pagduaw liwat nga nagagamit sang kahon sa pahina 19 sa Ihibalo nga libro; ginapaathag sang manugbantala kon paano magamit ang libro sa pagtigayon sing paghangop sa mga panudlo sang Biblia kag sa pagsugod sing pagtuon.

15 min: Gamita Sing Maayo ang 1999 Kalendaryo Sang mga Saksi ni Jehova. Isa ka pamulongpulong. Repasuha ang kaundan sang kalendaryo: (1) makagalanyat nga mga larawan nga nagalaragway sang tumalagsahon nga mga hitabo kag mga panudlo sang Biblia, (2) iskedyul sang semanal nga pagbasa sing Biblia para sa Teokratikong Eskwelahan sa Pagministro, (3) iskedyul sang tuigan nga pagbasa sing Biblia para sa semana antes sang Memoryal, (4) pahibalo tuhoy sa nagapakari nga mga nasulat nga repaso, kag (5) mga pahanumdom nga makigbahin sing tayuyon sa pagpanagtag sing magasin. Binagbinaga ang mga paagi kon paano gamiton ang bakante nga espasyo sa pagbalay sang iskedyul sa pag-alagad sa latagon, sa pagsulat sang mga report sa pag-alagad kag sang mga iskedyul sa pagpangabudlay upod sa iban, sa paglista sang mga asaynment sa miting, sa pagsulat sing mga pahanumdom tuhoy sa mga pagduaw sang manugtatap sa sirkito kag sa nagapakari nga mga asambleya. Paagi sa pagbutang sa kalendaryo sa madali makita nga lugar sa balay ukon sa ulubrahan, mahimo magautwas ang mga kahigayunan agod makasugod sing mga paghambalanay tuhoy sa Kasulatan. Isaysay ang eksperiensia gikan sa 1988 Yearbook, pahina 8.

15 min: Pamulongpulong sang isa ka gulang sa artikulo nga “Pat-ura nga Unahon ang mga Ulunahon,” sa Septiembre 1, 1998 nga guwa sang Lalantawan, pahina 19-21. Iaplikar sa lokal ang mga punto nga ginhatag, nagapadaku sang mga butang nga dapat unahon sa aton kabuhi.

Ambahanon 121 kag nagatakop nga pangamuyo.