Iskedyul sang Miting sa Serbisyo
Semana sang Enero 10
Ambahanon 107
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.
15 min: “Pagpakilala sa Ngalan ni Jehova sa Bug-os nga Duta.” Pamangkot kag sabat nga pagbinagbinag. Ilakip ang mga komento tuhoy sa di-pormal nga pagpanaksi gikan sa Aton Ministeryo nga libro, pahina 93-4.
20 min: Maghanda Karon sa Pagsakdag sa Kasuguan Sang Dios sa Dugo. Ginabinagbinag sang kalipikado nga gulang ang importansia sang pagsulat sing kompleto sang Advance Medical Directive/Release nga kard. Ginapakita sang inspirado nga panuytoy sa Salmo 19:7 nga ang Binuhatan 15:28, 29 isa ka pinamulong tuhoy sa himpit nga kasuguan sang Dios sa dugo. Ginasugid sini nga dokumento ang imo determinasyon nga sakdagon ina nga kasuguan kag nagahambal man para sa imo kon indi ka makahambal para sa imo kaugalingon. (Ipaanggid ang Hulubaton 22:3.) Pagkatapos sini nga miting, ang bawtismado nga mga Saksi hatagan sing bag-o nga kard, kag ang mga may di-bawtismado nga menor-de-edad nga mga kabataan magabaton sing isa ka Identity Card para sa tagsa ka bata. Ining mga kard indi kinahanglan nga sulatan karon nga gab-i. Dapat ini sulatan sing mahalungon sa balay apang INDI pagpirmahan. Ang pagpirma, pagtestigo, kag pagpetsa sa tanan nga kard himuon pagkatapos sang masunod nga Pagtinuon Sang Kongregasyon sa Libro, sa idalom sang pagdumala sang konduktor sang pagtinuon sa libro. Antes pirmahan, pat-ura nga ang mga kard ginsulatan sing kompleto. Dapat makita sing aktuwal sadtong nagapirma subong mga testigo ang pagpirma sang tag-iya sang kard. Paagi sa pagpasibu sang ginasiling sining kard suno sa ila mismo mga kahimtangan kag mga pagpati, mahimo masulat sang di-bawtismado nga mga manugbantala ang ila kaugalingon nga direktiba agod magamit nila kag sang ila mga kabataan.
Ambahanon 155 kag nagatakop nga pangamuyo.
Semana sang Enero 17
Ambahanon 12
10 min: Lokal nga mga pahibalo. Report sa kuwenta.
15 min: Lokal nga mga kinahanglanon.
20 min: “Gamita ang mga ‘Tract’ sa Pagsugod Sing mga Paghambalanay.” Repasuha ang bisan anong apat ka tract nga ginagamit sing kinaandan sa teritoryo. Maghatag sing pamangkot nga ginasabat sang tagsa ka tract. Agdaha ang tumalambong sa pagpanugda kon paano gamiton ang pamangkot sa pagsugod sing paghambalanay kag mahimo nga magdul-ong sa isa ka pagtuon sa Biblia. Ipasundayag kon paano ini himuon paagi sa duha sang mga tract.
Ambahanon 57 kag nagatakop nga pangamuyo.
Semana sang Enero 24
Ambahanon 110
10 min: Lokal nga mga pahibalo kag mga eksperiensia sa pag-alagad sa latagon.
15 min: “Binagbinaga ang Pulong ni Jehova Kada Adlaw!” Pamulongpulong kag pagbinagbinag sa tumalambong. Palig-una ang tanan nga gamiton sing maayo ang Pag-usisa sa Kasulatan sa Adlaw-adlaw—2000. Ilakip ang mga komento gikan sa introduksion, sa pahina 3-4. Agdaha ang mga manugbantala sa pagsaysay kon paano sila nagapanikasog sing pinasahi nga mabinagbinag ang teksto kag mga komento kada adlaw.
20 min: “Ang Aton Maalwan nga Pagsakdag sa Hilikuton Sang Ginharian.” Pamangkot kag sabat nga pagdumala sang isa ka gulang. (Buligi ang mga kauturan nga maapresyar ang pribilehiyo kag responsabilidad sang pinansial nga pagsakdag sa hilikuton.)
Ambahanon 157 kag nagatakop nga pangamuyo.
Semana sang Enero 31
Ambahanon 16
10 min: Lokal nga mga pahibalo. Pahanumduma ang tanan sa paghatag sang mga report sa pag-alagad sa latagon para sa Enero. Sambita ang tanyag nga literatura sa Pebrero: Kalipay sa Pamilya nga libro. Ipasundayag kon paano magamit ang tatlo ka pamangkot sa kahon sa pahina 12 sang libro subong sadsaran agod makigsugilanon sa isa ka tawo.
10 min: Ang Sabat sa Pamangkot Tuhoy sa ‘Pagtanda.’ Pamulongpulong sang isa ka gulang, pasad sa Hulyo 15, 1999, Lalantawan, pahina 29-31.
25 min: “Paggamit sa Internet—Mangin Alisto sa mga Katalagman!” Pamangkot kag sabat nga pagbinagbinag sang mga parapo 1-18. Basaha ang mga parapo 4-7, 12, 16, 17. Palig-una ang tanan nga handaan sing maayo ang pagbinagbinag sang mga parapo 19-36 sa masunod nga semana.
Ambahanon 60 kag nagatakop nga pangamuyo.
Semana sang Pebrero 7
Ambahanon 113
5 min: Lokal nga mga pahibalo.
15 min: Repasuha ang Tagna ni Daniel nga Libro. Pamulongpulong kag pagbinagbinag sa tumalambong. Repasuha ang talalupangdon nga mga bahin sang bag-o nga libro: talalupangdon nga mga titulo sang kapitulo, masili nga mga larawan, mga kahon nga may nagapahunahuna nga mga pamangkot sa katapusan sang tagsa ka pagbinagbinag, mga mapa kag mga tsart nga nagapaathag sang mga detalye. Binagbinaga ang makapalig-on nga paathag kon paano ‘magatindog’ si Miguel sa pinasahi nga paagi (pahina 288-90). Binagbinaga ang pagkaimportante sang pagbatas naton subong mga manunudlo sang Pulong sang Dios (pahina 311-12). Dapat naton tanan basahon sing maayo ang libro kag palig-unon ang mga interesado nga basahon man ini.
25 min: “Paggamit sa Internet—Mangin Alisto sa mga Katalagman!” Pamangkot kag sabat nga pagbinagbinag sa mga parapo 19-36. Basaha ang mga parapo 23-5 kag 34-6.
Ambahanon 182 kag nagatakop nga pangamuyo.