Iskedyul sang Miting sa Serbisyo
Semana sang Marso 12
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.
15 min: Lokal nga mga kinahanglanon.
20 min: “Abril—Tion sa ‘Pagpangabudlay Sing Lakas kag sa Pagpanikasog.’” (Parapo 1-13) Dumalahan sang nagadumala nga manugtatap. Isa ka mapagsik nga paghinun-anon tuhoy sa luyag gid naton nga himuon sa Abril. Palig-una ang tanan sa kongregasyon sa paghimo sang iya bahin agod malab-ot ang tulumuron nga 100-porsiento nga pagpakigbahin sa ministeryo sa sina nga bulan.
Ambahanon 147 kag nagatakop nga pangamuyo.
Semana sang Marso 19
8 min: Lokal nga mga pahibalo. Report sa kuwenta.
17 min: Gamita Sing Maayo ang 2001 Yearbook. Pamulongpulong kag paghinun-anon sa tumalambong. Repasuha ang “2000 Grand Totals,” sa pahina 31. Binagbinaga ang “A Letter From the Governing Body,” sa pahina 3-5. Ipasaysay sa pila sa tumalambong ang isa ka report ukon eksperiensia gikan sa bag-ong Yearbook nga ilabi na nga nakapalig-on kag nakapabakod sang ila pagtuo. Palig-una ang mga pamilya nga basahon sing magkaupod ang bug-os nga Yearbook, subong sang ginahimo sang pamilya Bethel sa bug-os nga kalibutan kada tuig. Ipadaku ang mga pamangkot sa pahina 255, nga magamit sa pagrepaso sang natun-an.
20 min: “Abril—Tion sa ‘Pagpangabudlay Sing Lakas kag sa Pagpanikasog.’” (Parapo 14-30) Dumalahan sang manugtatap sa pag-alagad. Isa ka pamulongpulong nga may pinili nga pamangkot-kag-sabat nga mga bahin. Ang tanan dapat maghimo sing praktikal nga iskedyul sa pagpakigbahin sing kapin kon mahimo sa ministeryo sa Abril. Palig-una ang tanan nga makasarang sa pag-auxiliary payunir kag sa pagkuha sing aplikasyon pagkatapos sang miting.
Ambahanon 188 kag nagatakop nga pangamuyo.
Semana sang Marso 26
10 min: Lokal nga mga pahibalo. Ipaathag nga indi pa ulihi agod magsumiter sing aplikasyon sa pag-auxiliary payunir sa Abril. Palig-una ang tanan nga himuon ang pagbasa sang Biblia sa Memoryal nga ginaiskedyul para sa Abril 3-8, subong sang ginbalay sa Pag-usisa sa Kasulatan sa Adlaw-adlaw—2001. Ipahibalo kon san-o hiwaton ang Pagtinuon sa Lalantawan para sa semana sang Memoryal. Indi pagkalimti ang pinasahi nga pamulongpulong publiko sini nga Domingo, Abril 1, nga natig-uluhan, “Sin-o ang Maluwas?” Palig-una ang tanan sa pagpakigbahin sa ministeryo sina man nga adlaw, nagahimo sing maayo nga panugod sa Abril.
20 min: “Padunggan Naton Tanan si Jehova kag ang Iya Anak.” Isa ka makapahulag nga pamulongpulong sang isa ka gulang pasad sa Kasulatan. Palig-una ang tanan sa pagpakigbahin sing bug-os sa pinasahi nga hilikuton nga ginaplano sa Abril kag sa pagpanikasog sing labi pa nga agdahon ang mga tawo sa Memoryal.
15 min: Paghanda Sang Aton Pagtanyag Sing mga Magasin. Itanyag naton Ang Lalantawan kag Magmata! sa Abril. Repasuha ang pahina 8, parapo 3 kag 10, sa Oktubre 1996 nga Ang Aton Ministeryo sa Ginharian. Ipatalupangod (1) ang artikulo, (2) ang isa ka nagakaigo nga punto nga mahambalan, (3) ang isa ka pamangkot nga makapukaw sang interes, kag (4) ang isa ka suno-sa-tion nga kasulatan nga magamit sing epektibo sa pagtanyag sang kada isa sang bag-ong mga magasin. Panikasugi nga gamiton ang Ginapatuman nga brosyur ukon ang Ihibalo nga libro sa pagsugod sing mga pagtuon sa Biblia upod sa mga interesado. Maghinakop paagi sa isa ka nahanda-sing-maayo nga pasundayag kon paano ini himuon sa una nga pagduaw.
Ambahanon 207 kag nagatakop nga pangamuyo.
Semana sang Abril 2
9 min: Lokal nga mga pahibalo. Pahanumduma ang mga manugbantala nga ihatag ang mga report sa pag-alagad sa latagon para sa Marso. Repasuha ang “Mga Pahanumdom sa Memoryal.”
18 min: “Ang Gugma Nagapahulag sa Aton sa Pagbantala.”a Ipadaku ang mga kasulatan sa artikulo. Ilakip ang mga ideya nga ginhatag sa Insight, Tomo 2, pahina 673, parapo 1. Ipasaysay sa isa ka manugbantala nga madamong tinuig na nga aktibo kon paano sia ginapahulag nga magpadayon sa pagbantala nga hilikuton bangod sang gugma sa Dios.
18 min: “Buligi ang Iban sa Pagtambong sa mga Miting.”b Ang suplemento sa Hunyo 1996 nga Ang Aton Ministeryo sa Ginharian, parapo 14-16, nagahatag sing dugang nga mga panugda agod tuytuyan ang mga estudyante sang Biblia sa organisasyon. Ipakita kon paano ang Ginapatuman nga brosyur (leksion 5, parapo 7) kag ang Ihibalo nga libro (kapitulo 5, parapo 22) mahimo magamit sing mas maaga sa pagpalig-on sang pagtambong sa mga miting. Agod ipakita ini, ihatag ang isa ka nahanda-sing-maayo nga pasundayag sang isa ka sangkol nga manugbantala nga mainit nga nagapalig-on sa isa ka estudyante nga hunahunaon sing maayo ang pagtambong sa mga miting.
Ambahanon 47 kag nagatakop nga pangamuyo.
[Mga nota]
a Limitehi ang introduksion sa kubos sa isa ka minuto, kag sundan sang pamangkot-kag-sabat nga paghinun-anon.
b Limitehi ang introduksion sa kubos sa isa ka minuto, kag sundan sang pamangkot-kag-sabat nga paghinun-anon.