Iskedyul sa Miting sa Serbisyo

Semana sang Mayo 13

Ambahanon 37

10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Nagagamit sing mga panugda sa pahina 8, ipasundayag kon paano ipresentar ang Mayo 15 nga Lalantawan kag ang Hunyo 8 nga Magmata!

20 min: “Ginpanugda nga mga Presentasyon Para sa Pag-alagad sa Latagon.” Paghinun-anon sang suplemento upod sa tumalambong nga dumalahan sang manugtatap sa pag-alagad. Ang suplemento nagaunod sang ginpanugda nga mga presentasyon nga makit-an sa nagliligad nga mga guwa sang Ang Aton Ministeryo sa Ginharian kag sang pila pa ka bag-o. Ang blangko nga bahin mahimo sulatan sang iban pa nga panugda sa ulihi nga mahimo epektibo sa lokal nga teritoryo. Pakomentuha ang tumalambong kon diin nga presentasyon ang ila gid naluyagan kag ngaa. Ipasundayag ang isa ukon duha nga sarang magamit sa talipuspusan sining semana. Palig-una ang tanan nga manugbantala kag payunir nga taguon ining suplemento kag gamiton ini pirme kon nagahanda para sa ministeryo.

15 min: “Malikawan Mo ang Espirituwal nga Atake sa Tagipusuon.” Pamulongpulong pasad sa artikulo sa Disiembre 1, 2001, Lalantawan, pahina 9-13. Ipakita ang pagkaimportante nga amligan naton ang aton malaragwayon nga tagipusuon kaangay man sang paghalong naton sa aton pisikal nga tagipusuon. Palig-una ang tanan nga indi pagpasapayanan ang nagapaandam nga mga tanda sang espirituwal nga kaluyahon.

Ambahanon 115 kag nagatakop nga pangamuyo.

Semana sang Mayo 20

Ambahanon 13

10 min: Lokal nga mga pahibalo. Report sa kuwenta. Repasuha ang “Pamangkot.”

15 min: “Daku Bala ang Teritoryo Sang Inyo Kongregasyon?” Pamulongpulong kag paghinun-anon sa tumalambong nga dumalahan sang manugtatap sa pag-alagad. (Ang mga kongregasyon nga may gamay lamang nga teritoryo mahimo magrepaso sang artikulo nga “Gamita Sing Epektibo ang Inyo Tion,” sa Hunyo, 1999 nga Ang Aton Ministeryo sa Ginharian, pahina 4.) Ipatalupangod kon ano kadaku ang teritoryo nga ginauyatan sang kongregasyon kag kon ano na kasangkad ang natuptupan sang nagligad nga tuig. Ipaathag kon paano maaplikar sa lokal nga kahimtangan ang mga panugda nga ginhatag. Repasuha ang mga plano kon paano tuptupan ang talagsa lang ginabantalaan nga teritoryo sa dili madugay.

20 min: “Ginagamit Mo Bala ang Ginapatuman nga Brosyur sa Pagsugod Sing mga Pagtuon?” Sugdi paagi sa pagpasundayag sang isa ka nakahanda sing maayo nga manugbantala kon paano magsugod sang isa ka pagtuon, nga nagagamit sang halimbawa sa parapo 3. Pagkatapos, sambita ang talalupangdon nga mga punto sa brosyur, kag ipaathag kon paano ini nadesinyo sing maayo agod sugdan ang mga pagtuon. Ipakita ang kabilihanan sang pagrepaso pirme sang mga panugda sa pahina 4 kag 6 sang suplemento sa sini nga bulan kag kon paano magsugod sing mga pagtuon sa sini nga brosyur. Pamangkuta ang tumalambong kon diin sa mga panugda ang ila natalupangdan nga labing madinalag-on. Maghinakop paagi sa pagsulit sang pasundayag sa parapo 3.

Ambahanon 169 kag nagatakop nga pangamuyo.

Semana sang Mayo 27

Ambahanon 208

12 min: Lokal nga mga pahibalo. Pahanumduma ang mga manugbantala nga ihatag na ang ila mga report sa pag-alagad para sa Mayo. Nagagamit sa mga panugda sa pahina 8, ipasundayag sang isa ka tigulang nga manugbantala kon paano ipresentar ang Hunyo 1 nga Lalantawan kag ipakita sang isa ka lamharon nga manugbantala kon paano ipresentar ang June 8 nga Awake! Pagkatapos sang tagsa ka pasundayag, komentuhi kon paano mahapos nga malakip ang isa ka kasulatan sa presentasyon.

20 min: “Ano Bala ang May Matuod nga Balor?” Pamulongpulong sang isa ka gulang pasad sa artikulo sa Septiembre 15, 2001, Lalantawan, pahina 21-3. Ipakita kon paano nga ang pagtigayon sang kahamuot ni Jehova mas daku sing balor sangsa bisan ano nga kabantugan ukon materyal nga mga pagkabutang. Iaplikar ang mga punto sa lokal nga kongregasyon agod mangin praktikal ini.

13 min: Pagpresentar Sang Ihibalo nga Libro sa Hunyo. Pagkatapos sang isa ka malip-ot nga paghinun-anon sang pito ka “Mga Panugda sa Pagtanyag Sang Ihibalo nga Libro” sa pahina 5 sining suplemento, ipasundayag sang nakahanda sing maayo nga mga manugbantala ukon mga payunir ang duha sa sining mga presentasyon. Palig-una ang tanan nga repasuhon ining mga panugda antes makigbahin sa ministeryo sa Hunyo.

Ambahanon 93 kag nagatakop nga pangamuyo.

Semana sang Hunyo 3

Ambahanon 178

15 min: Lokal nga mga pahibalo. Pasugira ang mga manugbantala sang kalipay kag mga padya nga ila nabaton subong resulta sang pagpakigbahin sa auxiliary ukon regular payunir nga hilikuton sang Marso, Abril, ukon Mayo.

15 min: Kon Paano Ginagamit Sang Reasoning nga Libro ang Iban nga Badbad Sang Biblia. Malip-ot nga pamulongpulong nga sundan sang paghinun-anon sa tumalambong. Basaha ang parapo 2 sa pahina 8 sang Reasoning nga libro, kag ipaathag kon ngaa kag kon paano dapat ipadaku ang Biblia sa aton ministeryo. Hambali ang tuhoy sa listahan sang abbreviations sang Biblia sa pahina 6, kag ipaathag kon ngaa ginagamit man naton ang iban nga mga badbad. Binagbinaga ang mga paandam nga ginsambit sa Oktubre 1, 1997, Lalantawan, pahina 16, parapo 2, kag pahina 20, parapo 15. Nagagamit sing mga tema nga “Apostolic Succession,” “Images,” kag “Trinity” sa Reasoning nga libro, agdaha ang tumalambong sa pag-ilustrar kon paano ang pagpaanggid sa nagkalainlain nga mga badbad makabulig sa pagtudlo sang kamatuoran.

15 min: “Ang Aton Pagtuo Nagapahulag sa Aton sa Maayong mga Hilikuton.”a Kon nagabinagbinag sa parapo 2, interbyuha sing malip-ot ang isa ka makugi nga Saksi. Pasugira sia kon paano ang pagbantala sa iban nagapasundayag kag nagapabakod sang iya pagtuo.

Ambahanon 56 kag nagatakop nga pangamuyo.

[Nota]