Iskedyul sa Miting sa Serbisyo
Semana sang Enero 10
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Gamita ang mga panugda sa pahina 8 (kon nagakaigo sa inyo teritoryo) sa pagpasundayag kon paano itanyag ang Enero 15 nga Ang Lalantawan kag ang Enero 22 nga Awake! Mahimo man magamit ang iban pa realistiko nga mga presentasyon. Sa isa ka presentasyon ipasundayag kon paano itanyag ang mga magasin sa isa ka di-Saksi nga paryente.
15 min: “Ginasagod Sang mga Pulong Sang Pagtuo.”a Basaha kag hinun-anuni ang ginkutlo nga mga teksto kon ginatugot sang tion.
20 min: “Tilawi ang Mapasibusibuon nga Pamaagi.” Paghinun-anon upod sa tumalambong sa pahina 6 sang suplemento. Ipasundayag ang duha ka halimbawa kon paano gamiton ining pamaagi nga nagagamit sing tanyag nga literatura sa sining bulan. Sa kada pasundayag, ipabasa sa manugbantala ang isa ka teksto nga nagasabat sa kabalaka nga ginsambit sang tagbalay.
Ambahanon 143 kag nagatakop nga pangamuyo.
Semana sang Enero 17
10 min: Lokal nga mga pahibalo.
15 min: Mga Pamatan-on—Nagauswag Bala Kamo sa Espirituwal? Pamulongpulong sang isa ka gulang pasad sa Abril 1, 2003, nga Ang Lalantawan, pahina 8-10. Sambita ang pila ka realistiko, sarang malab-ot nga mga tulumuron, kag palig-una ang mga pamatan-on nga magpahamtang sing espesipiko nga espirituwal nga mga tulumuron para sa ila kaugalingon.
20 min: “Pagdumala Sing Mainuswagon nga mga Pagtuon sa Biblia—Bahin 5.”b Ilakip ang isa ka pasundayag sang isa ka eksperiensiado nga manugbantala nga nagahinun-anon upod sa isa ka bag-o nga manugbantala kon paano likawan ang mga tugalbong nga ginsambit sa parapo 4-5.
Ambahanon 78 kag nagatakop nga pangamuyo.
Semana sang Enero 24
5 min: Lokal nga mga pahibalo. Report sa kuenta.
15 min: “Paano Kita Nagabenepisyo sa Teokratikong Eskwelahan Para sa Ministeryo.” Pamulongpulong sang manugtatap sang eskwelahan. Ilakip ang mga komento sa suplemento sang Oktubre 2004 nga Ang Aton Ministeryo sa Ginharian. Himusa sing abanse nga may isa ukon duha nga magkomento kon paano sila nagabenepisyo sa eskwelahan.
25 min: “Kon Paano Gamiton ang Sampol nga mga Presentasyon.”c Gamita ang mga pamangkot nga gin-aman. Sambita nga ang pahina 3-5 sang suplemento sining bulan nagaunod sing mga presentasyon nga aton magamit sa pagtanyag sang mga publikasyon sa palaabuton. Tipigi ini nga suplemento agod magamit sa bug-os nga tuig. Pagkatapos mabinagbinag ang artikulo, hinun-anuni kon paano naton matanyag ang Mangin Suod kay Jehova sa Pebrero. Ipasundayag ang duha ka presentasyon. Mahimo nila ini kuhaon sa sampol nga mga presentasyon sa pahina 3 ukon sa iban pa nga presentasyon nga epektibo sa inyo lokal nga teritoryo.
Ambahanon 200 kag nagatakop nga pangamuyo.
Semana sang Enero 31
10 min: Lokal nga mga pahibalo. Pahanumduma ang mga manugbantala nga ihatag na ang ila report para sa Enero. Nagagamit sang mga panugda sa pahina 8 (kon nagakaigo sa inyo teritoryo), ipasundayag kon paano ipresentar ang Pebrero 1 nga Ang Lalantawan ukon ang Pebrero 8 nga Magmata! Mahimo magamit ang iban pa realistiko nga mga presentasyon.
15 min: Lokal nga mga kinahanglanon.
20 min: Ginausisa Mo Bala ang Kasulatan Adlaw-adlaw? Pamulongpulong kag paghinun-anon upod sa tumalambong pasad sa introduksion sang Pag-usisa sa Kasulatan sa Adlaw-adlaw—2005. Hinun-anuni ang kinahanglanon nga ang tanan maghatag sing tion sa pagbinagbinag sang teksto kag komento kada adlaw. Pahandaa sing abanse nga magkomento ang isa ukon duha tuhoy sa ila rutina sa pagbinagbinag sang teksto kag kon paano sila nakabenepisyo. Maghinakop paagi sa isa ka malip-ot nga pagbinagbinag sang tuigan nga teksto para sa 2005.
Ambahanon 184 kag nagatakop nga pangamuyo.
Semana sang Pebrero 7
10 min: Lokal nga mga pahibalo.
15 min: Buligi ang mga Bag-uhan nga Matun-an ang Paghigugma sa Dios kag sa Isigkatawo. Isa ka pamulongpulong pasad sa Hulyo 1, 2004, nga Ang Lalantawan, pahina 16, parapo 7-9. Ipadaku kon paano ang kada katapo sang kongregasyon may bahin sa pagbulig sa mga bag-uhan nga mangin mga disipulo ni Cristo.
20 min: Si Jehova Wala Nagadingot Sing Bisan Ano nga Maayo. (Sal. 84:11) Interbyuha ang pila ka kauturan nga nagpabilin nga matutom walay sapayan sang mga pagtilaw. Ano nga mga kabudlayan ang ila naatubang? Ano ang nakabulig sa ila sa paglandas sini? Anong mga kalipay kag mga pagpakamaayo ang ila naagom?
Ambahanon 104 kag nagatakop nga pangamuyo.
[Mga nota]
a Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
b Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
c Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.