Tilawi ang Mapasibusibuon nga Pamaagi — Watchtower ONLINE NGA LIBRARY

Tilawi ang Mapasibusibuon nga Pamaagi

Ang sinsero nga interes sa mga tawo nagapahulag sa aton nga hibaluon ang ila mga kinahanglanon kag ipakita sa ila kon paano solbaron sing bug-os sang Ginharian ang mga problema nga ginaatubang nila. (Fil. 2:4) Ang mapasibusibuon nga pamaagi nga nasapwan sang madamong mga manugbantala nga epektibo amo ang pag-agda sa tagbalay nga komentuhan ang mga laragway sang Paraiso sa aton mga publikasyon, subong sang mga nalista sa natuo nga kolumna sining pahina. Mahimo mo ini paagi sa paggamit sang masunod nga mga introduksion:

◼ “Sa banta mo maagom pa ayhan sang mga tawo sa bug-os nga kalibutan ang mga kahimtangan nga ginapakita diri?”

◼ “Luyag naton tanan nga maagom sang aton kabataan ang sahi sang kalibutan nga ginapakita diri. Sa banta mo ano ayhan ang kinahanglanon agod mapahanabo ini?”

◼ “Isa ini ka paglaragway kon ano ang mangin hitsura sang duta kon matuman na ang kabubut-on sang Dios sa duta subong man sa langit. May nakita ka bala nga tuhay sangsa kabuhi karon?”

◼ “Luyag mo bala magkabuhi sa amo sini nga kahimtangan? [Tuguti sia nga makasabat.] Sa banta mo matabo ayhan ini sa aton tion?”

Pamatii sing maayo ang komento sang tawo, kag hibalua ang iya pagtamod paagi sa dugang nga pagpamangkot sing mainayuhon sing makaisa ukon makaduha. Kon ang iban magsiling nga indi nila luyag magkabuhi sa ginlaragway nga mga kahimtangan ukon nga wala sila nagapati nga posible ini matabo, indi gilayon maghinakop nga wala sila sing interes. Pamangkuta sila sing matinahuron kon ngaa amo sina ang ginabatyag nila. Basi makita sa ila mga komento nga nagakabalaka gid sila sa daw indi malubad nga mga problema nga ginaatubang sang bug-os nga katawhan.—⁠Ezeq. 9:4.

Kon mahantop mo ang kabalaka sang tagbalay, ipasibu sa sini ang imo presentasyon. Ipadaku ang aspekto sang mensahe sang Ginharian nga nagasabat sang iya mga kinahanglanon. Ipakita sa iya ang isa ukon duha ka teksto nga may kaangtanan sa problema nga nagapabalaka sa iya. (Tan-awa ang mga panugda sa natuo nga kolumna.) Ipakita mismo sa iya kon ano ang ginasiling sang Pulong sang Dios. Kon magpakita sia sing interes, itanyag ang publikasyon kag maghimo sing kahimusan sa pagduaw liwat. Padayon nga palambua ang iya interes sa una mo nga pagduaw.

[Kahon sa pahina 6]

Mga Laragway Sang Paraiso

Creation nga libro: pahina 237, 243, 251

Manunudlo nga libro: pahina 251-4

Ihibalo nga libro: pahina 4-5, 188-9

Ginapatuman nga brosyur: pahina 11, 13

True Peace nga libro: pahina 98

Simbaha ang Dios nga libro: pahina 92-3

[Kahon sa pahina 6]

Mga Problema nga Nagapabalaka sa mga Tawo

Kagarukan, inhustisya

Isaias 9:6, 7;