Iskedyul sa Miting sa Serbisyo
Semana sang Pebrero 13
10 min: Lokal nga mga pahibalo. Ipasundayag ang mga panugda sa pahina 8 ukon ang iban pa nga presentasyon nga nagakabagay sa inyo teritoryo, kon paano itanyag ang Pebrero 15 nga Lalantawan kag ang Pebrero nga Magmata! Sa isa ka presentasyon, ipasundayag ang pagpanaksi sa publiko nga duog.
10 min: Nagadungan Ka Bala sa Organisasyon ni Jehova? Pamulongpulong pasad sa Organisado sa Paghimo Sang Kabubut-on ni Jehova, pahina 7-10.
25 min: “Ipatalupangod ang ‘Kapawa Sang Kalibutan.’”a Dumalahan sang manugtatap sang pag-alagad. Palig-una ang tanan nga magtambong sa miting para sa luyag nga mag-auxiliary payunir sa Domingo, Pebrero 19. Ilakip ang mga komento sa sampol nga iskedyul sang auxiliary payunir sa pahina 5 sa suplemento sang Pebrero 2005 sang Ang Aton Ministeryo sa Ginharian.
Ambahanon 224 kag nagatakop nga pangamuyo.
Semana sang Pebrero 20
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.
15 min: “Mangita Sing mga Kahigayunan sa Pagbantala.”b Agdaha ang isa ka manugbantala nga may mabudlay nga kahimtangan nga magkomento kon paano sia nangita sing mga kahigayunan sa pagbantala.
20 min: “Bulig nga Matigayon Gilayon.”c Dumalahan sang isa ka gulang. Ilakip ang malip-ot nga komento sa “Pamangkot” sa Nobiembre 1998 kag Nobiembre 2000 nga mga gua sang Ang Aton Ministeryo sa Ginharian.
Ambahanon 1 kag nagatakop nga pangamuyo.
Semana sang Pebrero 27
10 min: Lokal nga mga pahibalo. Basaha ang report sa kuenta kag mga pasalamat sa donasyon. Pahanumduma ang mga manugbantala sa paghatag sang ila report sa pag-alagad sa latagon para sa Pebrero. Ipasundayag ang mga panugda sa pahina 8 ukon ang iban pa nga mga presentasyon nga nagakabagay sa inyo teritoryo, kon paano itanyag ang Marso 1 nga Lalantawan ukon ang Marso nga Magmata!
10 min: Lokal nga mga kinahanglanon.
25 min: Kon Paano Itanyag ang Ginatudlo Sang Biblia nga Libro. Itanyag naton sa Marso ining bag-ong libro. Nagagamit sang mga panugda sa suplemento sang Enero 2006 sang Ang Aton Ministeryo sa Ginharian, pahina 3-6, repasuha kag ipasundayag ang pila ka presentasyon nga nagakabagay gid sa inyo teritoryo. Agdaha ang tumalambong sa pagsaysay sang ila maayo gid nga eksperiensia sa paggamit sang bag-ong libro, ilabi na sa pagsugod sing mga pagtuon sa Biblia.
Ambahanon 148 kag nagatakop nga pangamuyo.
Semana sang Marso 6
10 min: Lokal nga mga pahibalo. Bangod mahapos dal-on ang mga tract kag makagalanyat, maayo gid ini gamiton sa pagsugod sang pag-istoryahanay kon nagaministeryo sa balaybalay, nagabantala sa publiko nga mga duog, kag kon nagapanaksi sing di-pormal. Ipasundayag kon paano makasugod sang paghambalanay paagi sa tract nga Malapit Na Madula ang Tanan nga Pag-antos! Ipatalupangod ang isa ka nakutlo nga teksto sa pahina 2 sang tract.
15 min: “Pagpakita Sing Personal nga Interes—Paagi sa Paghanda.”d Ilakip ang malip-ot nga pasundayag nga nagapakita sang duha ka manugbantala nga nagahanda sa pagtanyag sang Ginatudlo Sang Biblia nga libro. Magapili sila sang presentasyon sa suplemento sa Enero 2006 sang Ang Aton Ministeryo sa Ginharian kag ginabinagbinag kon paano nila ini mapabutyag sa ila kaugalingon nga mga tinaga kag mapahisuno sa ila teritoryo. Tapuson ang pasundayag paagi sa pag-ensayo sang presentasyon sing matunog.
20 min: “Maggamit Sing mga Visual Aid sa Pagtudlo.”e Kon ginabinagbinag mo ang tagsa ka video nga ginsambit sa artikulo, ipakita ang panghapin sini kag basaha ang malip-ot nga sumaryo nga nagasaysay sa kaundan sang video. Pangabaya ang tumalambong sa pagsaysay sang ila eksperiensia sa paggamit sang video sa ila ministeryo.—Tan-awa ang 1997 Tuigan nga Libro, p. 54, kag ang 1995 Tuigan nga Libro, p. 50-1.
Ambahanon 68 kag nagatakop nga pangamuyo.
[Mga Nota]
a Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
b Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
c Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
d Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
e Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.