“Mga Paagi sa Pagtanyag sing mga Magasin sa . . . ”

Kinaandan na nga may bahin sa Miting sa Serbisyo kada bulan parte sa pagtanyag sing mga magasin. Ang katuyuan sini indi ang pagrepaso sa kaundan sang mga magasin kundi ang paghatag sing mga ideya kon paano ini itanyag. Gani suno sa instruksion, ang may bahin dapat maghatag sing malip-ot lamang nga introduksion. Nian, pangabayon niya ang mga manugbantala nga manugda sa isa lang anay ka artikulo (ukon serye) agod masundan ini sang tanan kag malista ang mga ideya nga luyag nila gamiton. Sa baylo nga agdahon ang tumalambong nga ihatag ang bilog nga presentasyon, pangabayon niya sila nga manugda kon ano nga pamangkot ang makapainteres sa inyo lugar, kag dayon kon ano nga teksto ang basahon. Magahinakop sia paagi sa pagpasundayag sang tagsa ka magasin. Ginapalig-on namon kamo nga repasuhon sing abanse ang mga magasin kag maghatag sang inyo mga panugda. Kon maghanda kita tanan, ini nga bahin makabulig gid sa kada isa sa aton.—Hulu. 27:17.