BAHIN 7

Sin-o si Jesus?

Ginpadala ni Jehova si Jesus sa duta. 1 Juan 4:9

Si Jesus nga yara sa tuo sang Dios sa langit

Kon gusto naton pahamut-an si Jehova, dapat man naton pamatian ang iya Anak. Gintuga sia ni Jehova subong isa ka gamhanan nga espiritu nga persona sa langit antes pa gintuga si Adan.

Si Maria sang nagabusong sia kag sang nabun-ag si Jesus

Sang ulihi, ginpadala sia ni Jehova agod matawo sa Betlehem sa isa ka birhen nga si Maria. Ginngalanan sia nga Jesus.—Juan 6:38.

Gintudluan ni Jesus ang iban parte kay Jehova

Sang ari sia sa duta, ginpakita gid ni Jesus ang mga kinaiya sang Dios. Mainayuhon sia, mahigugmaon, kag madali palapitan. Maisog niya nga gintudlo sa iban ang kamatuoran parte kay Jehova.

Naghimo si Jesus sing maayo pero ginkaugtan sia. 1 Pedro 2:21-24

Ginbanhaw ni Jesus ang bata nga babayi kag gin-ayo ang nagamasakit nga lalaki

Gin-ayo man ni Jesus ang mga masakiton kag ginbuhi liwat ang pila ka tawo nga napatay.

Ginkaugtan sang relihiosong mga lider si Jesus kay ginbuyagyag niya ang ila butig nga mga panudlo kag malain nga mga ginahimo.

Ginsugyot sang relihiosong mga lider ang mga Romano nga sakiton kag patyon si Jesus.