BAHIN 6

Ano ang Matun-an Naton sa Daku nga Baha?

Ginlaglag sang Dios ang mga malauton apang ginluwas niya si Noe kag ang iya pamilya. Genesis 7:11, 12, 23

Ang arka nagalutaw, ang malaut nga mga tawo nagakalumos, kag ginbiyaan sang rebelyuso nga mga anghel ang ila tawhanon nga lawas

Nag-ulan sa sulod sang 40 ka adlaw kag 40 ka gab-i amo nga natabunan sang tubig ang bug-os nga duta. Napatay ang tanan nga malaut nga tawo.

Ginbiyaan sang rebelde nga mga anghel ang ila tawhanon nga lawas kag nangin demonyo.

Si Noe, ang iya pamilya, kag ang mga sapat naggua sa arka kag ang balangaw nagtuhaw sa langit

Ang ara sa sulod sang arka naluwas. Pagligad sang madamo nga tinuig, napatay sanday Noe kag ang iya pamilya apang buhion sila liwat sang Dios kag may paglaum nga mabuhi sing walay katapusan.

Laglagon liwat sang Dios ang mga malauton kag luwason niya ang mga matarong. Mateo 24:37-39

Si Satanas kag ang iya mga demonyo nagagamit sang lainlain nga paagi para patalangon ang mga tawo

Ginapatalang gihapon ni Satanas kag sang iya mga demonyo ang mga tawo.

Pareho sang panahon ni Noe, madamo sa karon ang wala nagatuman sa mahigugmaon nga sugo ni Jehova. Sa ulihi, laglagon ni Jehova ang tanan nga malauton.—2 Pedro 2:5, 6.

Ginagamit sang mga Saksi ni Jehova ang Biblia para bantalaan ang isa ka tawo; tawo nga nagabasa sang Biblia

May mga tawo man karon pareho kay Noe. Nagapamati sila sa Dios kag nagatuman sa iya; sila ang mga Saksi ni Jehova.