AMBAHANON 159
Ihatag kay Jehova ang Tanan nga Himaya
1. O Jehova nga halangdon,
Sin-o ang kaangay mo?
Paano ko mabalusan
Ang gugma nga ginhatag mo?
Imo gahom kag himaya,
Sa langit makita ko.
Sin-o ako, O Jehova
Nga hatagan mo kaayo?
(CHORUS)
O Jehova, magaamba ako
Sing pagdayaw sa imo.
Akon ka Dios kag Hari nga Dayon.
Ang tanan nga himaya,
Para lang gid sa imo.
2. Akon kabuhi gamiton
Sa pagdayaw sa imo.
Isugid ko sa katawhan
Ang mga binuhatan mo.
Kadungganan gid sa akon
Nga ikaw alagaron.
Imo ako nga giyahan;
Kusog sa imo maggikan.
(CHORUS)
O Jehova, magaamba ako
Sing pagdayaw sa imo.
Akon ka Dios kag Hari nga Dayon.
Ang tanan nga himaya,
Para lang gid sa imo.
3. Adlaw, bulan, kag bituon,
Bukid kag kadagatan
O katahom gid tulukon,
Tanan mo nga binuhatan.
Gugma, gahom, kag kaalam:
Akon ini nakit-an.
Gani takus ka dayawon—
Ang Manunuga sang tanan.
(CHORUS)
O Jehova, magaamba ako
Sing pagdayaw sa imo.
Akon ka Dios kag Hari nga Dayon.
Ang tanan nga himaya,
Para lang gid sa imo.
(Tan-awa man ang Sal. 96:1-10; 148:3, 7.)