Ano Sa Banta Mo?

Makabulig bala sa imo ang Biblia para mangin abyan ka sang Dios?

ANG PILA KA TAWO NAGAPATI . . .

nga indi sila puede mangin abyan sang Dios kay pamatyag nila mahigko sila ukon makasasala. Ang iban naman nagasiling nga wala nagaulikid ang Dios sa aton. Ano sa banta mo?

ANG GINASILING SANG BIBLIA

“Nagapakig-abyan [ang Dios] sing suod sa mga matarong.” (Hulubaton 3:32) Kon tumanon naton ang Dios, mangin abyan niya kita.

ANO PA ANG MATUN-AN NATON SA BIBLIA?

Gusto sang Dios nga mangin Abyan naton sia.—Santiago 4:8.
Bilang aton Abyan, handa gid ang Dios sa pagbulig kag pagpatawad sa aton.—Salmo 86:5.
Ang mga abyan sang Dios nagahigugma sa mga ginahigugma niya kag nagadumot sa mga ginadumtan niya.—Roma 12:9.

Para sa dugang nga impormasyon kon paano ka magkabuhi nga nagapalipay sa Dios, basaha ang kapitulo 12 sini nga libro, nga ginbalhag sang mga Saksi ni Jehova. Mabasa man ini sa www.pr418.com/hil