Itanyag ang mga Magasin sa Tanan nga Kahigayunan
1 May rason gid kita agod pabaloran Ang Lalantawan kag Magmata! Sini nga bulan ang mga magasin gamiton sa aton pagbantala nga hilikuton, kag daw ano gid katahom nga impormasyon ang ginaunod sang Oktubre nga mga guwa! Gani, luyag naton nga mangin handa nga itanyag ini sa tanan nagakaigo nga kahigayunan.
2 Kon nagatanyag sang Oktubre 1 nga “Lalantawan,” mahimo mo mapukaw ang interes sa artikulo nga “Isa ka Kalibutan nga Wala sing Inaway—San-o?” paagi sa pagsiling:
◼ “Madamong tawo ang nagapalibog kon ngaa ang isa ka kalibutan nga wala sing inaway daw indi matigayon. Ano ang opinyon mo sa sining mga dinalan sa pahina 5 sang Oktubre 1 nga Lalantawan? [Basaha ang nahaunang dinalan sa tagsa sang nahaunang duha ka parapo sa ubos sang subtitulo nga “Relihion—Isa ka Daku nga Sablag,” kag pasabta sia.] Sa pagkamatuod, wala ini nagakahulugan nga pirme na lang may mga inaway. Talupangda ang saad sang Dios diri sa Isaias 9:6, 7.” Itanyag ang mga magasin.
3 Kon nagatanyag sang Oktubre 22 nga “Awake!” mahimo ka makasiling:
◼ “Ano ang opinyon mo sa pamangkot sa panghapin sini nga magasin: ‘Why Is Life So Short?’ [Pasabta sia.] Ining serye sang mga artikulo nagapatalupangod kon ano ang masiling sang modernong mga sientipiko kag sang iban pa nahanungod sa pagtigulang, kag nian nagahinun-anon kon ano ang ginsaad sang aton Manunuga nahanungod sa paglaum para sa kabuhi nga walay katapusan.” Itanyag ang mga magasin.
4 Kon masugilanon mo ang relihioso nga mga tawo, ngaa indi mo paggamiton ang artikulo halin sa Oktubre 15 nga “Lalantawan”? Ining presentasyon mahimo magganyat sing maayo nga sabat:
◼ “Luyag ko makuha ang imo opinyon sa sining pamangkot: Posible bala nga higugmaon ang Dios kag kahadlukan man sia?” Pasabta sia, kag nian basaha ang caption text sang artikulo nga “Ngaa Magkahadlok sa Matuod nga Dios Karon?” (Manugw. 12:13) Itanyag ang magasin.
5 Kon nagapamalaybalay, indi pagligari ang magagmay nga mga tiangge. Yadtong tayuyon nga nagaduaw sa mga tiangge nagalaragway sini nga hilikuton subong makalilipay kag mapatubason. Mahimo mo tilawan ang simple nga presentasyon kaangay sini kon nagatanyag sang Oktubre 8 nga “Awake!”:
◼ “Nahibaluan namon nga ginaapresyar sang mga negosyante nga mahibaluan ang mga isyu nga nagaapektar sa ila komunidad. Napat-od ko nga ining artikulo magawili sa imo.” Nian ihatag sa malip-ot ang isa ka punto gikan sa artikulo nga “One-Parent Families—How Successful Can They Be?”
6 Kon ang tawo nga masugilanon mo matuod nga masako, mahimo mo mapakita ang mga magasin kag magsiling:
◼ “Nahibaluan ko nga wala ka nagapaabot sing bisita sa karon, gani madali lang ako. Luyag ko ikaw hatagan sing kahigayunan nga makabasa sing pila ka butang nga importante.” Ipakita ang isa ka artikulo nga napilian mo, kag itanyag ang mga magasin.
7 Maghupot sing tul-id nga house-to-house record, kag balikan ang tanan nga napahamtangan. Kon may masapwan nga hanuot nga interes sa pagduaw liwat, magtanyag sing suskripsion sa isa ukon sa duha ka magasin. Mangin handa kag alisto kita sa pagtanyag sang aton mga magasin sa tanan nagakaigo nga kahigayunan.