Pamangkot

◼ Anong mga publikasyon ang dapat ibutang sa librarya sang Teokratikong Eskwelahan sa Pagministro?

Ang librarya sang Teokratikong Eskwelahan sa Pagministro sa Kingdom Hall nagaaman sing mga paagi para makapanalawsaw sa mga publikasyon nga ayhan indi matigayon sa iban nga paagi. Busa, dapat nga may lainlain ini nga mga badbad sang Biblia, bag-ong mga publikasyon sang Sosiedad, mga kopya sang Ang Aton Ministeryo sa Ginharian, mga tomo sang The Watchtower kag Awake!, kag mga Watch Tower Publications Index. Isa pa, ang maayong moderno nga diksionaryo dapat idugang. Kon may matigayon, ang mga ensiklopedia, mga atlas, ukon mga reperensia nga libro sa grammar kag maragtas mahimo nga mapuslanon.

Indi nagakaigo nga ilakip ang mga libro tuhoy sa mga fiction, mga komentaryo sa Biblia nga nagapadaku sang higher criticism, ukon mga libro sa pilosopiya ukon espiritismo. Ang librarya sang Teokratikong Eskwelahan sa Pagministro dapat lamang maglakip sa materyal nga magabulig sa mga nagagamit sini nga mag-uswag sing padayon sa espirituwal.—1 Tim. 4:15.

Ang manugtatap sang eskwelahan amo ang magatatap sa librarya, walay sapayan nga isa pa ka utod nga lalaki ang mahimo matangdo sa pagbulig sa iya sa pag-atipan sini. Dapat niya pat-uron nga ang bag-ong mga publikasyon ginadugang sa gilayon nga matigayon ini. Ang kada libro dapat sulatan sing maathag sa nasulod nga panghapin sing ngalan sang kongregasyon nga nagapanag-iya sini. Kada tuig, ang mga libro usisaon agod tan-awon kon may kinahanglan nga kay-uhon ukon islan.

Paagi sa pagsunod sa mga panugda sa ibabaw, ang librarya sang Teokratikong Eskwelahan sa Pagministro magabulig sa tanan sa pagtukib sa natago nga mga bahandi sang Pulong sang Dios, nga nagahatag sing ihibalo, kaalam, kag paghangop.—Hulu. 2:4-6.