Tan-awa ang Puwersa Sang Biblia!

Paano? Paagi sa pagtan-aw sang video nga The Bible​—⁠Its Power in Your Life. Amo ini ang ikatlo nga tomo sang serye sang mga videocassette nga natig-uluhan The Bible​—⁠A Book of Fact and Prophecy.

Luyag mo bala ang isa ka madinalag-on nga pag-asawahay? Nagakinahanglan ka bala sing bulig agod malampuwasan ang mabudlay nga mga tion? Paano ang mga pamatan-on magadaku nga mangin masaligan nga mga adulto? Ang Biblia makabulig, subong sang ginapakita sini nga video. Pamatii ang mga tawo nga nagasugid sang kaayuhan nga nahimo sang Biblia sa ila kabuhi. Pamatii sila nga nagapaathag kon paano sila nabuligan sang mga prinsipio sini nga maatubang ang mga problema sang modernong-adlaw nga pagkabuhi.

Ini nga video isa ka hamili nga gamit sa pagbulig sa bag-ong mga interesado nga makita ang mga benepisyo sang paggamit sa Pulong sang Dios subong giya sa ila kabuhi. Ang Sosiedad may yara suplay sang The Bible​—⁠Its Power in Your Life. Mahimo kamo makapangabay sing isa ka kopya paagi sa literature servant sang kongregasyon.