Gamita ang Simbaha ang Dios nga Libro sa Pagdumala sing mga Pagtuon sa Biblia
Ang libro nga Simbaha ang Lamang Matuod nga Dios gindesinyo agod buligan ang mga bag-uhan nga mag-uswag sa kamatuoran kag magdalom ang ila apresasyon kay Jehova kag sa iya organisasyon. Sarang ini magamit sa mga estudyante sang Biblia subong ang ikaduha nga libro nga pagatun-an. Ang Hunyo 2000 nga Ang Aton Ministeryo sa Ginharian, pahina 4, nagpaathag: “Kon maathag gid nga ang estudyante nagauswag, bisan pa sing mahinay, kag napalambo niya ang apresasyon sa natun-an niya, nian padayuna ang pagtuon sa Biblia sa ikaduha nga libro pagkatapos sang Ginapatuman nga brosyur kag sang Ihibalo nga libro. . . . Sa tanan nga kahimtangan, ang Ginapatuman nga brosyur kag ang Ihibalo nga libro dapat anay tun-an. Ang pagtuon sa Biblia, mga pagduaw liwat, kag tion nga ginhinguyang sa paghiwat sing pagtuon dapat isipon kag ireport, bisan pa nga ang estudyante nabawtismuhan antes niya matapos ang ikaduha nga libro.”
Sin-o pa ang makabenepisyo gikan sa pagtuon sa Biblia sa Simbaha ang Dios nga libro? Ini gihapon nga artikulo nagapadayon: “Kon may kilala kamo nga nagtuon anay sa [Ginapatuman nga brosyur kag] sa Ihibalo nga libro apang wala gid mag-uswag padulong sa dedikasyon kag bawtismo, mahimo ninyo hibaluon kon bala luyag nila padayunon ang ila pagtuon sa Biblia.” Manikasog gid kita nga makasugod sing mga pagtuon sa Simbaha ang Dios nga libro sa subong sini nga mga tawo sa Abril kag Mayo.