Ginagamit Mo Bala ang mga Handbill?

Isa ka adlaw, ang isa ka 11-anyos nga lalaki nakakita sing isa ka handbill nga nagapahibalo sang pamulongpulong publiko tuhoy sa impierno. “Nagpukaw gid ini sang akon interes,” paathag niya sang ulihi, “bangod sa banta ko nakahimo ako pirme sing sayop nga mga buhat, kag ginakulbaan gid ako nga kon mapatay ako makadto ako sa kalayuhon nga impierno.” Nagtambong sia sa pamulongpulong, kag mga isa ka tuig sang ulihi, pagkatapos sang pila ka sesyon sang pagtuon sa Biblia, nabawtismuhan sia. Diri nagsugod ang Cristianong dalanon ni Karl Klein, nga nag-alagad sang ulihi sing madamong tuig subong miembro sang Nagdumala nga Hubon sang mga Saksi ni Jehova. Nagsugod lang ini sa isa ka handbill.

Epektibo gihapon nga galamiton ang mga handbill sa pagpanaksi karon. Madamo nga manugbantala ang nakasapo nga ang paghatag sini sa isa ka tawo isa ka maayo nga paagi sa pagpakilala sang ila kaugalingon kag pagsugod sang pag-istoryahanay. Mahimo ipahatag sang mga ginikanan sa ila mga kabataan ang isa ka handbill sa tagbalay. Ang mga manugbantala nga nagapanaksi paagi sa sulat mahimo makapahibalo sang mga miting paagi sa paglakip sang handbill sa sulat. Kag siempre pa, mahapos gid gamiton ang mga handbill sa pag-agda sa mga estudyante sa Biblia kag sa mga interesado sa pagtambong sa aton mga miting.

Ginagamit bala ninyo pirme ang mga handbill sa ministeryo?