Isa ka Video nga Takus Gid Binagbinagon
1 Sang nagligad nga pila ka tuig, isa ka pamatan-on nga utod nga lalaki ang nadulaan sing interes sa kamatuoran, kag nabugto ang iya kaangtanan kay Jehova bangod sang impluwensia sang iya ginpili nga mga abyan. Nian ginpagua ang video nga Young People Ask—How Can I Make Real Friends? Nagsulat sia: “Samtang ginatan-aw ko sing sulitsulit ang video, nagtululagay ang akon luha. Nagapasalamat gid ako kay Jehova sa iya bulig sa husto nga tion.” Ginpahulag sia sang video nga bag-uhon ang iya kabuhi kag makig-abyan sa maayo nga mga tawo. Nagsiling pa sia: “Maathag gid nga nakahibalo kamo sang mga nagakatabo sa mga pamatan-on.” Mga ginikanan kag mga pamatan-on, ngaa indi paglantawon ang video sa masunod ninyo nga pagtuon subong pamilya kag binagbinagon sing tingob ang mga pamangkot sa masunod nga mga parapo?
2 Introduksion: Ano ang isa ka matuod nga abyan?—Hulu. 18:24.
3 Mga Balagbag sa Pag-abyanay: Paano mo malandas ang pagbatyag nga ginalikawan ka sang iban? (Fil. 2:4) Ngaa dapat handa ka nga pauswagon ang imo personalidad, kag sin-o ang makabulig sa imo agod mahimo ini? Ano pa ang himuon mo agod magdamo ang imo abyan, kag sa diin mo sila masapwan?—2 Cor. 6:13.
4 Pagpakig-abyan sa Dios: Paano mo mangin abyan si Jehova, kag ngaa takus gid ini panikasugan? (Sal. 34:8) Sin-o ang makapalig-on gid sa imo pagpakig-abyan sa Dios?
5 Ang Di-maayo nga mga Abyan: Sin-o ang indi maayo nga mga kaupdanan? (1 Cor. 15:33) Paano ang di-maayo nga mga abyan magadul-ong sa kahalitan sa espirituwal? Ano ang ginatudlo sa imo sang kasaysayan sa Biblia tuhoy kay Dina?—Gen. 34:1, 2, 7, 19.
6 Ang Modernong-Adlaw nga Drama: Ano ang epekto sa pagpangasubo kay Tara? Paano niya ginpakamatarong ang iya pagpakig-upod sa kalibutanon nga mga pamatan-on? Sa ano nga mga katalagman nila sia ginpadayag? Ngaa napaslawan ang iya mga ginikanan nga masat-uman nga yara na sia sa katalagman, apang paano nila ginbag-o ang ila panimuot agod mabuligan sia nga makapasag-uli sa espirituwal? Paano ang payunir nga utod nga babayi nangin matuod gid nga abyan ni Tara? Ngaa dapat tumanon sang mga Cristiano ang Hulubaton 13:20 kag Jeremias 17:9? Anong importante nga leksion ang natun-an ni Tara?
7 Konklusion: Ano nga mga leksion ang imo natun-an sa sini nga video? Paano mo ini magamit sa pagbulig sa iban?—Sal. 71:17.