Pamangkot

◼ Anong duha ka publikasyon ang dapat tun-an upod sa mga interesado?

Ang Ginatudlo Sang Biblia nga libro amo ang aton panguna nga galamiton sa mga pagtuon sing Biblia. Bisan pa wala man sing kaso kon iban nga publikasyon, subong sang nagakaigo nga tract, ang gamiton sa pagsugod sing pagtuon sa Biblia, kon posible, dapat tinguhaan nga isaylo ini gilayon sa Ginatudlo Sang Biblia nga libro. Maayo gid ang mga resulta sa paggamit sing Ginatudlo Sang Biblia nga libro.

Kon matapos na ang Ginatudlo Sang Biblia nga libro kag nagauswag ang estudyante, dapat man sia tun-an sa Simbaha ang Dios nga libro. (Col. 2:7) Ginapaathag sa pahina 2 sini nga libro ang katuyuan sini: “Ang Biblia nagalaygay sa tanan nga nagahigugma sa Dios nga ‘hangpon sa hunahuna ang kataason kag kadalumon’ sang iya hamili nga mga kamatuoran. (Efeso 3:18) Sa sini nga katuyuan, ginhanda ini nga libro. Nagalaum kami nga makabulig ini sa imo agod mag-uswag ka sa espirituwal kag masangkapan ka sing maayo pa sa paglakat sa masipot nga dalan padulong sa kabuhi sa matarong nga bag-ong kalibutan sang Dios.”

Kon kalipikado na ang estudyante para sa bawtismo bisan wala pa matapos ang duha ka libro, dapat gihapon ipadayon ang pagtuon sa ikaduha nga libro tubtob matapos ini. Bisan pa bawtismado na ang estudyante, mahimo gihapon maisip sang nagadumala ang oras, pagduaw liwat, kag pagtuon sa Biblia. Ang manugbantala nga kaupod sang nagadumala kag nagapakigbahin sa pagtuon mahimo man makaisip sing oras.