Mga Pahanumdom sa Memoryal

Dapat talupangdon sang mga gulang ang mga masunod bilang paghanda para sa Memoryal:

◼ Pat-ura nga indi mapasa ang emblema kon indi pa magtunod ang adlaw.

◼ Dapat matigayon kag mahanda ang nagakaigo nga tinapay kag alak.—Tan-awa ang Pebrero 15, 2003, nga Ang Lalantawan, pahina 14-15.

◼ Dapat abanse nga madala kag maplastar sa tilipunan ang mga plato, baso, lamesa kag ang hapin sini.

◼ Dapat abanse nga matinluan sing maayo ang Kingdom Hall ukon ang iban pa nga tilipunan nga pagahiwatan sang Memoryal.

◼ Dapat magpili sing mga attendant kag mga manugpasa sing emblema kag tudluan sila sang ila mga hilikuton, sang nagakaigo nga pamaagi, kag sang importansia sang talahuron nga panapton kag pamustura.

◼ Dapat maghimo sing kahimusan sa pagserbe sa bisan sin-o nga hinaplas nga may sablag sa lawas ukon indi makatambong.

◼ Kon indi lang isa ka kongregasyon ang magagamit sang Kingdom Hall, dapat may maayo nga koordinasyon sa sini nga mga kongregasyon agod indi magginutok sa puertahan, sa kalye, kag sa palarkingan.

◼ Kon maggamit sing iban nga tilipunan, pat-ura nga may nagakaigo nga sound system agod mabatian sang tanan nga tumalambong ang humalambal.