Kon Ano ang Isiling Tuhoy sa mga Magasin

Ang Lalantawan Abril 1

“Nagapati ang pila ka tawo nga ang aton palaabuton napat-od na sang kapalaran. Apang para naman sa iban, kita ang nagapili sang aton madangatan. Ikaw, ano ang masiling mo? [Tuguti sia sa pagsabat.] Talupangda ining makapainteres nga ginsiling sang Biblia. [Basaha ang Manugwali 9:11.] Ini nga artikulo nagabinagbinag sang sabat sang Biblia sa pamangkot nga, ‘Natalana na bala ang aton kabuhi?’” Ipakita ang artikulo sa pahina 26.

Magmata! Abril

“Madamo nga mag-asawa ang nagadiborsio bangod sang pagluib. Sa banta mo magabakod bala ang pag-asawahay kon sundon nila ang ginasiling sang Biblia? [Basaha ang Mateo 5:28. Tuguti sia sa pagsabat.] Ini nga artikulo nga nabase sa Biblia makabulig sa mga mag-asawa nga malikawan ang pagluib.” Ipakita ang artikulo sa pahina 28.

Ang Lalantawan Mayo 1

“Sa banta mo, ngaa mabudlay para sa isa ka tawo nga magtuo sa Dios? [Tuguti sia sa pagsabat.] Ini nga bersikulo nagapakita nga importante gid ang pagtuo. [Basaha ang Hebreo 11:6.] Ini nga magasin nagabinagbinag sang apat ka pamaagi agod mapabakod naton ang aton pagtuo.”

Magmata! Mayo

“Sa karon, nagadamo pa gid ang mga tawo nga nagaabuso sa ginareseta nga mga bulong. Sa banta mo, ano ang rason sini? [Tuguti sia sa pagsabat.] Ginapakita sang Biblia ang isa ka mayor nga kabangdanan, nga sa masami makita gid sa mga pamatan-on. [Basaha ang Hulubaton 13:20.] Ini nga magasin nagabinagbinag kon paano mo maproteksionan ang imo kaugalingon kag ang imo pamilya sa sining lapnag nga problema.”