Ang Aton Opisyal nga Web Site—Gamita Ini sa Personal kag Pangpamilya nga Pagtuon

Magbasa sang Pinakabag-o nga Magasin: Basaha ang Lalantawan kag Magmata! sa Web site antes mo matigayon ang kopya sini sa kongregasyon. Pamatii ang narekord nga pagbasa sang isa ka magasin.—Buksi ang “Publications/Magazines.”

Magbasa sang mga Artikulo nga Makita Lang sa Web Site: Ang pila ka artikulo, pareho sang “Para sa mga Pamatan-on,” “Ang Akon mga Leksion sa Biblia,” “Para Binagbinagon sang Pamilya,” kag “Pamangkot sang mga Pamatan-on,” makita na lang sa Web site. Binagbinaga ang pila sini nga materyal sa imo personal kag pangpamilya nga pagtuon.—Buksi ang “Bible Teachings/Children” ukon “Bible Teachings/Teenagers.”

Hibalua ang Pinakabag-o nga mga Report: Magbasa sang makapalig-on nga mga report kag eksperiensia kag magtan-aw sang malip-ot nga mga video nga nagapakita sing pag-uswag sang aton hilikuton sa bug-os nga kalibutan. Ang mga report parte sa mga kalamidad kag paghingabot makabulig sa aton nga mangin espesipiko sa aton mga pangamuyo para sa aton mga kauturan. (Sant. 5:16)—Buksi ang “News.”

Mag-research Paagi sa Online Library: Kon may ara na sini sa inyo lenguahe, basaha diri ang inadlaw nga teksto ukon gamita ini sa pag-research sa pila sang aton pinakabag-o nga publikasyon.—Buksi ang “Publications/Online Library,” ukon i-type ang www.wol.jw.org sa address field sang imo browser.

[Diagram sa pahina 4]

(Para sa aktual nga pormat, tan-awa ang publikasyon)

Himua Ini

1 I-klik ang piktyur ukon ang “Download” nga link. Mabukas ang piktyur sa PDF nga pormat. I-print ini kag gamita para sa imo bata.

2 I-klik ang “Play” agod magtan-aw sing video.