Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Pebrero

“Lainlain ang pagpati sang mga tawo parte sa Biblia. Ang pila nagapati nga Pulong ini sang Dios, ang iban naman nagasiling nga isa lang ini ka ordinaryo nga libro. Pero para sa imo, ano ang Biblia?” Tuguti sia nga magsabat. Ipakita sa iya ang likod sang Pebrero 1 nga Lalantawan, kag binagbinaga ninyo ang una nga pamangkot kag bisan isa lang sa ginsambit nga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Pebrero 1

“Nagalaum ang kalabanan nga tawo nga matapos na ang inaway. Sa banta mo posible ayhan nga magluntad ang paghidait sa bilog nga kalibutan? [Tuguti sia nga magsabat.] Talupangda ang ginapromisa sang Kasulatan. [Basaha ang Salmo 46:9.] Ginapakita sang mga hitabo sang Bug-os Kalibutan nga Inaway I kag pagkatapos sini nga madali na lang tumanon sang Dios ini nga tagna kag dulaon niya sing dayon ang inaway. Ini nga magasin magapaathag sina.”

Magmata! Pebrero

“Nagaduaw kami sing makadali para istoryahan ang isa ka kinaandan nga problema. Daw kulang pirme ang aton tion para tapuson ang aton mga hilikuton. Sa banta mo bangod ayhan madamo kita sing ginaobra ukon bangod ginausikan naton ang kalabanan sang aton tion? [Tuguti sia nga magsabat.] Madamo ang wala nakahibalo nga ang Biblia nagahatag sing praktikal nga laygay kon paano gamiton sing maayo ang aton tion. Ari ang isa ka halimbawa. [Basaha ang Filipos 1:10a.] Ginapakita sini nga magasin ang apat ka paagi nga nakabulig sa madamo nga tawo nga gamiton sing mas maalamon ang ila tion.”