Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Mayo

“Nagaduaw kami sing makadali para hibaluon ang imo opinyon sa sining pamangkot. [Ipakita ang una nga pamangkot sa likod sang Mayo 1 nga Lalantawan.] Ano ang imo opinyon?” Tuguti sia nga magsabat. Binagbinaga ninyo ini nga pamangkot kag bisan isa lang sa ginsambit nga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Mayo 1

“Nagaduaw kami sing makadali bangod madamo ang interesado sa palaabuton. Kon nagapamensar ka parte sa palaabuton, ano ang imo ginabatyag? Positibo ka bala ukon nabalaka? [Tuguti sia nga magsabat. Dayon basaha ang isa sa mga teksto sa kahon nga “Kon Ano ang Ginasugid sang Dios Parte sa Palaabuton.”] Ginapakita sini nga magasin ang pila sang mga butang nga ginsiling sang Dios nga matabo, kag ginapaathag sini kon ngaa makasalig kita nga matabo ini.”

Magmata! Mayo

“Nagaduaw kami sing makadali para buligan ang mga tawo nga kontrolon ang ila stress. Sa banta mo mas na-stress ang mga tawo subong kon ikumparar sadto? [Tuguti sia nga magsabat.] Nasapwan sang madamo nga ang laygay sang Biblia nakabulig sa ila nga makontrol ang ila stress. Ari ang isa ka halimbawa. [Basaha ang Mateo 6:34.] Ginapaathag sini nga magasin kon paano ang prinsipio sa Biblia makabulig sa aton nga makontrol ang apat ka kinaandan nga ginahalinan sang stress.”

Patalupangod: Ini nga gua mahimo makapainteres sa mga negosyante.