Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Hunyo

“Nagaduaw kami sing malip-ot para binagbinagon ining makapainteres nga pamangkot. [Ipakita ang una nga pamangkot sa likod sang Hunyo 1 nga Lalantawan.] Ano ang imo opinyon sa sina?” Tuguti sia nga magsabat. Binagbinaga ninyo ang una nga pamangkot kag bisan ang isa lang sa ginsambit nga teksto. Itanyag ang mga magasin, kag maghimo sing kahimusan nga binagbinagon ang masunod nga pamangkot.

Ang Lalantawan Hunyo 1

“Kada tuig, halos 6,000,000 ang nagakapatay bangod sa pagpanigarilyo. Sa banta mo may paagi pa ayhan para amat-amat ini nga mabuhinan? [Tuguti sia nga magsabat.] Madamo ang nabuligan nga untatan ukon likawan na gid ang pagpanigarilyo kay natun-an nila kon ano ang pagtamod sini sang Dios. Halimbawa, paagi sa sini nga teksto sa Biblia, narealisar sang pila kon ano ang epekto sa iban sang pagpanigarilyo. [Basaha ang 1 Corinto 10:24.] Ini nga magasin nagapaathag kon paano ang pagtamod sang Dios sa pagpanigarilyo makabulig sa isa nga untatan ini.”

Magmata Hunyo

“Bangod sa mga social network, ang mga tawo subong nakatigayon kuno sing mas madamo nga “abyan” kon ipaanggid sang una. Pero ano sa banta mo ang pinakaimportante nga kinaiya sang isa ka matuod nga abyan? [Tuguti sia nga magsabat.] Ari ang isa ka praktikal nga laygay sang Biblia parte sa pagpakig-abyan. [Basaha ang Santiago 1:19.] Ginapadaku sini nga magasin ang apat ka prinsipio nga makabulig sa aton para pilion kita nga abyan sang mga tawo.”