Pagpaathag sang Aton mga Pagpati Parte sa 1914

Ang Kasulatan nagapalig-on sa aton nga mangin “handa pirme nga magpangapin” sa aton mga pagpati, nga “ginahimo ini nga may kalulo kag tudok nga pagtahod.” (1 Ped. 3:​15) Matuod, mabudlay ipaathag ang madalom nga mga kamatuoran sa Biblia, pareho sang kon paano naton nahibaluan nga nagsugod na sa paggahom ang Ginharian sang 1914. Para mabuligan kita, ginhanda ang serye nga may duha ka bahin nga natig-uluhan “Pag-istoryahanay Parte sa Biblia​—San-o Nagsugod sa Paggahom ang Ginharian sang Dios?” Ini nga mga artikulo makita sa mga gua sang Ang Lalantawan nga gamiton naton sa aton ministeryo sa Oktubre kag Nobiembre. Samtang ginausisa mo ini nga mga artikulo, binagbinaga ang masunod nga mga pamangkot parte sa pamaagi nga gingamit sang manugbantala nga si Cameron sa artikulo.

Paano sia . . .

• naggamit sing komendasyon agod istoryahan ang mga butang nga ila ginaugyunan?​—Binu. 17:22.

• nagpakita sing pagpaubos sang ginpaathag niya ang iya mga pagpati?​—Binu. 14:15.

Ngaa maayo nga . . .

• ginarepaso niya anay ang mga punto antes sia magpadayon sa masunod?

• nagadulog sia kon kaisa kag nagapamangkot kon nahangpan sang tagbalay ang iya ginasiling?

• wala sia nagkobre sing tuman kadamo nga impormasyon sa isa lang ka tion?​—Juan 16:12.

Nagapasalamat gid kita kay Jehova, ang aton “Dakung Instruktor,” sa pagtudlo sa aton kon paano ipaathag ang madalom nga mga kamatuoran sa Biblia sa mga ginagutom!​—Isa. 30:​20, NW.