Pagpauswag sang Aton mga Ikasarang sa Ministeryo—Pagpanaksi sa Nagahambal sing Iban nga Lenguahe

Kon Ngaa Importante: Interesado si Jehova sa espirituwal nga kaayuhan sang tawo “sa tagsa ka pungsod.” (Binu. 10:34, 35) Gani, nagsugo si Jesus nga ang maayong balita ibantala “sa bug-os nga duta” kag “sa tanan nga pungsod.” (Mat. 24:14) Gintagna ni Zacarias nga ang mga tawo “halin sa tanan nga lenguahe sang mga pungsod” magapamati sa sini nga mensahe. (Zac. 8:23) Kag suno sa palanan-awon ni apostol Juan, ang mga makalampuwas sa dakung kapipit-an magalakip sang mga indibiduwal nga magahalin “sa tanan nga pungsod kag tribo kag katawhan kag hambal.” (Bug. 7:9, 13, 14) Gani, kon makasumalang kita sang mga tawo sa aton teritoryo nga nagahambal sing iban nga lenguahe, dapat naton tinguhaan nga mapanaksihan sila.