Pagpauswag sang Aton Ikasarang sa Ministeryo​—Paggamit sang mga Video sa Pagtudlo

KON NGAA IMPORTANTE:

Ang mga video makagalanyat sa mata kag palamatin-an amo nga matandog sini ang tagipusuon sang mga tawo. Mahuptan sini ang ila atension kag magapabilin ini sa ila hunahuna. Si Jehova nagpahamtang sing pinakamaayo nga halimbawa sa paggamit sang mga visual aid sa pagtudlo.—Bin 10:9-16; Bug 1:1.

Ang mga video nga May Ngalan Bala ang Dios?, Sin-o ang Awtor sang Biblia?, kag Ngaa Makasiguro Kita nga Husto ang Ginasiling sang Biblia? mahimo ipatan-aw kon nagabinagbinag sang leksion 2 kag 3 sang Maayong Balita nga brosyur. Ang mga video nga Ngaa Dapat Tun-an ang Biblia?, Paano Ginahimo ang Pagtuon sa Biblia?, kag Ano ang Ginahimo sa Kingdom Hall? nagapalig-on sa mga tawo nga tun-an ang Biblia upod sa aton ukon magtambong sa mga miting sang kongregasyon. Ang pila sang aton mga video mahimo man ipatan-aw sa aton mga ginatun-an sa Biblia.​—km 5/13 3.

KON PAANO INI HIMUON:

• I-download ang video nga gusto mo ipatan-aw sa tagbalay

• Maghanda sing isa ukon duha ka pamangkot nga sabton sang video

• Tan-awa ninyo ang video

• Binagbinaga ang panguna nga mga punto

TILAWI INI:

• Gamita ang isa sa aton mga tract, kag ipakita ang code sa likod nga may link sa video nga Ngaa Dapat Tun-an ang Biblia?

• Ipatan-aw ang video nga Ngaa Makasiguro Kita nga Husto ang Ginasiling sang Biblia? kag itanyag ang Maayong Balita nga brosyur, dayon buksi sa leksion 3