PAGKABUHI BILANG CRISTIANO
Ipangamuyo ang Ginahingabot nga mga Cristiano
Gintagna sang Biblia nga hingabuton kita ni Satanas para punggan ang aton ministeryo. (Ju 15:20; Bug 12:17) Paano naton mabuligan ang aton mga kauturan nga ginahingabot sa iban nga pungsod? Ipangamuyo naton sila. “Ang pag-ampo sang matarong nga tawo may gamhanan nga epekto.”—San 5:16.
Ano ang aton ipangamuyo? Puede naton mapangamuyo kay Jehova nga hatagan sing kaisog ang aton mga kauturan kag buligan sila nga indi mahadlok. (Isa 41:10-13) Ipangamuyo man naton nga magbag-o ang pagtamod sang mga awtoridad sa aton hilikuton nga pagbantala, “agod magkabuhi kita sing matawhay kag malinong.”—1Ti 2:1, 2.
Sang ginhingabot sanday Pablo kag Pedro, ginsambit sang mga Cristiano sang unang siglo ang ila ngalan sa pangamuyo. (Bin 12:5; Ro 15:30, 31) Bisan pa indi naton kilala ang tanan nga ginahingabot subong, puede man naton sambiton ang ila kongregasyon, pungsod, ukon rehiyon.