Pagpauswag sang Aton Ikasarang sa Ministeryo​—Pagduaw Liwat

KON NGAA IMPORTANTE: Madamo nga tawo nga interesado sa mensahe sang Ginharian ang nagapangita sang kamatuoran parte sa Dios. (Isa 55:6) Para padayon sila nga matudluan, dapat naton sila balikbalikan. Indi palareho ang ginaatubang nga kabudlayan sang mga tawo, gani sarisari man ang aton paagi sa pagpukaw sang ila interes. Pero, mangin mas epektibo kita kon maghanda kita sing maayo kag sa kada pagduaw ang aton tulumuron amo ang pagsugod sing pagtuon sa Biblia.

KON PAANO INI HIMUON:

• Tinguhai nga makabalik gilayon, ayhan pagligad lang sang pila ka adlaw.—Mat 13:19

• Mangin mainabyanon kag matinahuron. Mangin relaks

• Magsugod paagi sa pagpanamyaw. Tawga ang tagbalay sa iya ngalan. Pahanumduma sia kon ngaa nagbalik ka—ayhan para sabton ang isa ka pamangkot, magdala sing bag-o nga magasin, ipakita ang aton website, ipatan-aw ang video, ukon para ipasundayag ang pagtuon sa Biblia. Kon interesado sia sa iban nga topiko nga tuhay sa ginhanda mo, ipasibu ang imo presentasyon.—Fil 2:4

• Bunyagi ang binhi sang kamatuoran nga gintanom mo sa iya tagipusuon paagi sa pagbasa sa iya sang isa ka bersikulo sa Biblia ukon pagbilin sing literatura. (1Co 3:6) Tinguhai nga makig-abyan sa iya

• Magpahamtang sing sadsaran para sa masunod nga pagduaw