Ang Maayo nga mga Binuhatan nga Indi Malipatan

Ang tanan nga katawhan ni Jehova makahimo sing maayo nga mga binuhatan sang sagrado nga pag-alagad sa aton Dios. Pareho sang mapinalanggaon nga ginikanan nga ginadumdom gid ang mga hinimuan sang iya kabataan, si Jehova wala man nagakalipat sa aton binuhatan kag sa gugma nga ginpakita naton para sa iya ngalan. (Mat 6:20; Heb 6:10) Siempre, sarisari ang aton mga ikasarang kag kahimtangan. Pero kon ginahimo naton ang aton pinakamaayo sa aton pag-alagad kay Jehova, malipay gid kita. (Ga 6:4; Col 3:23) Sa sulod sang mga tinuig, linibo ka kauturan ang nag-alagad sa Bethel. Makaboluntaryo ka bala sa Bethel? Kon indi, mapalig-on mo bala ang isa nga magboluntaryo ukon mabuligan ang isa ka Bethelite nga magpadayon sa iya pag-alagad sa pinasahi nga paagi?

TAN-AWA ANG VIDEO NGA PAG-ALAGAD SA BETHEL, DAYON SABTI ANG MASUNOD NGA MGA PAMANGKOT:

• Ano ang dapat magpahulag sa isa sa pag-alagad sa Bethel?

• Ano ang ginasiling sang iban parte sa mga pagpakamaayo nga nabaton nila sa pag-alagad sa Bethel?

• Ano ang mga kalipikasyon para makaalagad sa Bethel?

• Paano ka makaaplay sa Bethel?