MGA BAHANDI SA PULONG SANG DIOS | GENESIS 9-11
“Ang Bug-os nga Duta May Isa Lang ka Lenguahe”
Sa Babel, ginpaalaplaag ni Jehova ang indi matinumanon nga mga tawo paagi sa paggumon sang ila lenguahe. Subong, ginatipon niya ang daku nga kadam-an halin sa tanan nga pungsod kag hambal kag ginhatagan sila sing “putli nga lenguahe” para “magtawag [sila] sa ngalan ni Jehova, kag magsimba sa iya sing nahiusa.” (Sof 3:9; Bug 7:9) Ining “putli nga lenguahe” amo ang kamatuoran parte kay Jehova kag sa iya katuyuan nga mabasa sa Kasulatan.
Ang pagtuon sang bag-o nga lenguahe indi lang basta pagsaulo sang bag-o nga mga tinaga, kundi pagtuon sa bag-o nga panghunahuna. Amo man kon nagatuon kita sang putli nga lenguahe sang kamatuoran, ang aton panghunahuna nagabag-o. (Ro 12:2) Sigesige ini nga proseso nga nagaresulta sa paghiusa sang katawhan sang Dios.—1Co 1:10.