Ano ang Himuon sang mga Sister Para Malab-ot ang Dugang nga Pribilehiyo?

Daku gid ang nabulig sang mga sister sa hilikuton sang Ginharian. (Sa 68:11) Madamo sila sing Bible study kag kalabanan sa regular payunir mga sister. Linibo ka mapisan nga sister ang nagaalagad sa Bethel, mga misyonero, nagaboluntaryo sa konstruksion, kag mga translator. Ginapabakod sang hamtong nga mga sister ang ila pamilya kag ang kongregasyon. (Hul 14:1) Bisan indi puede mangin gulang ukon ministeryal nga alagad ang mga sister, makahimo sila gihapon sang mga tulumuron sa kongregasyon. Kon isa ikaw ka sister, ano ang himuon mo para malab-ot ang dugang nga pribilehiyo?

• Ipakita ang espirituwal nga mga kinaiya.—1Ti 3:11; 1Pe 3:3-6

• Buligi ang bag-uhan nga mga sister sa kongregasyon.—Tit 2:3-5

• Pauswaga pa gid ang imo ministeryo

• Magtuon sang iban nga lenguahe

• Magsaylo sa bululigan nga kongregasyon

• Mag-aplay sa Bethel ukon magbulig sa pagpanukod sang mga pasilidad sang organisasyon

• Mag-aplay sa School for Kingdom Evangelizers

TAN-AWA ANG VIDEO NGA “MGA BABAYI NGA NAGAPANGABUDLAY GID SA HILIKUTON SANG GINUO,” DAYON SABTI INI NGA PAMANGKOT:

• Paano ka napalig-on sa ginhambal sini nga mga sister?